Langeberg
Die Langeberg is 'n bergreeks in die suide van die Wes-Kaap wat vir ongeveer 170 km in 'n algemene oos-wes-rigting loop en is deel van die Kaapse Plooigordel. Die mees westelike punt is 35 km wes van Swellendam en die reeks eindig sowat 30 km noordoos van Riversdal in die ooste. Die oop vlaktes van die Klein Karoo grens aan die noorde van die Langeberg, en in die suide lê die Agulhasvlakte en die graanlande van die Overberg. Teen die suidelike hange van die reeks kom bergfynbos en proteas voor.
![](http://178.128.105.246/cars-http-upload.wikimedia.org/wikipedia/commons/thumb/e/e7/Grootvadersbosch_Nature_Reserve_PICT3779_Kopie.jpg/220px-Grootvadersbosch_Nature_Reserve_PICT3779_Kopie.jpg)
Die hoogste punt van die berg is Keeromsberg op 2 075 m.
Bergpasse van die Langeberg
wysigBergpasse oor die Langeberge sluit in:
- Garciapas tussen Riversdal en die Klein-Karoo
- Kogmanskloofpas tussen Ashton en Montagu
- Tradouwpas tussen Swellendam en die Klein-Karoo
- Cloetespas, tussen Mosselbaai en Ladismith