Teenpous Clemens VII
Clemens VII[1] gebore Robert van Genève was die eerste teenpous van die Westerse Skisma van 1378 tot 1394.
Teenpous Clemens VII | |
---|---|
![]() Clemens VII
| |
Geboortenaam | Robert van Genève |
Geboorteplek | Genève |
Geboortedatum | 1342 |
Sterfdatum | 16 September 1394 |
Sterfplek | Avignon |
Teenpous van | Urbanus VI |
Begin van pontifikaat | 20 September 1378 |
Einde van pontifikaat | 16 September 1394 |
- Vir die wettige pous met dieselfde naam sien Pous Clemens VII.
![](http://178.128.105.246/cars-http-upload.wikimedia.org/wikipedia/commons/thumb/4/42/Pape_avignon_clement7.jpg/240px-Pape_avignon_clement7.jpg)
Biografie
wysigRobert van Genève[2] was die seun van graaf Amadeus III van Genève en sy vrou Mathilde van Auvergne. Hy het in 1392 sy kinderlose broer Peter opgevolg as graaf van Genève. In 1361 word Robert biskop van Terwaan, in 1368 aartsbiskop van Kameryk (in Frans: Cambrai) en op 30 Mei 1371 kardinaal. Onder Pous Gregorius XI word hy berug deur die bloedbad van Cesena in 1377 terwyl hy legaat in Italië was.
In die konklaaf van 8 April 1378 word Pous Urbanus VI in Robert se teenwoordigheid verkies tot pous. Vyf maande later op 20 September 1378 verklaar die nie-Italiaanse kardinale die verkiesing ongeldig en kies Robert as Teenpous Clemens VII. Frankryk, Skotland, Kastilië, Aragon. Navarra, Portugal, Savoje, party Duitse state, Denemarke en Noorweë erken hom as die ware pous.[3] Na 'n mislukte aanval op Rome vestig Clemens hom in Avignon waar hy gesteun is deur Karel V van Frankryk. Nog Clemens nog Urbanus doen juis moeite om die skisma te beëindig. Clemens was begaafd maar sy bedenklike finansiële praktyke wat nodig was om sy weelderige lewensstyl te handhaaf het hom baie vyande besorg.
Na Clemens se dood wil sy aanhangers die skisma beëindig, maar nie eensydig nie. Clemens se kardinale kies toe Teenpous Benedictus XIII as sy opvolger. Benedictus het onderneem om af te tree as Urbanus dit ook sou doen. Benedictus het egter tot by sy dood pous gebly.
Na die dood in 1374 van kardinaal Guy van Boulogne oom van Robert en proos van Sint Donaas in Brugge wil Pous Gregorius XI sy medewerker Pierre Mazuyer aanstel. Die kapittel wil egter Zeger van Beke aanstel. Die geskil het aangesleep totdat Mazuyer bedank het omdat te besig was as biskop van Arras.
Gregorius wil nie opgee nie omdat hy in 'n argument met Lodewyk van Male en Filips die Stoute betrokke was oor wie die reg het om die proos aan te stel. Op 11 Januarie 1375 stel hy kardinaal Robert van Genève aan, maar die kapittel, met die steun van Lodewyk van Male hou vas aan sy steun vir van Beke. Die geskil duur voort tot 20 April 1377 toe die pous instem dat van Beke proos kan word na Robert van Genève. Kort daarna sterf Gregorius en Robert word verkies as teenpous Clemens VII teen Gregorius se opvolger Urbanus. Van Beke word toe tog proos van Sint Donaas.
Die kollege van Kardinale
wysigOmdat Clemens 'n teenpous was, word die kardinale wat hy aangestel het nie as sulks deur die Rooms-Katolieke Kerk erken nie en staan hulle bekend as pseudo-kardinale. Clemens het 34 kardinale aangestel in 11 konsistories. Weens die omvang van die lys word dit hier gehou.[4]
Verwysings
wysig- ↑ Clement (VII). (2008). Encyclopædia Britannica. Deluxe Edition. Chicago: Encyclopædia Britannica.
- ↑ Miranda, S., The Cardinals of the Holy Roman Church. [1]
- ↑ Turner, W. (1912). Robert of Geneva. In The Catholic Encyclopedia. New York: Robert Appleton Company. Besoek 24 Junie, 2014 by New Advent[2]
- ↑ Miranda, S., The Cardinals of the Holy Roman Church.[3]
Hierdie artikel is in sy geheel of gedeeltelik vanuit die Nederlandse Wikipedia vertaal. |