Zimbabwe African National Union
ZANU (Zimbabwe African National Union) was 'n militante organisasie, 'n splintergroep van ZAPU (Zimbabwe African People's Union), wat teen die wit minderheidsregering van Rhodesië geveg het. ZANU het die verkiesing van 1980 onder leiding van Robert Mugabe gewen. Sewe jaar later het hulle met Joshua Nkomo se ZAPU saamgesmelt om ZANU–PF, die huidige regerende party van die land te vorm.
Zimbabwe African Nationalist Union | |
ZANU | |
![]() | |
Vlag van die ZANU(-PF)
| |
Leier | Herbert Chitepo |
---|---|
Gestig | 8 Augustus 1963 |
Ideologie | Afrika-nasionalisme, Linkse nasionalisme, Sosiale demokrasie, Demokratiese sosialisme |
Amptelike kleure | Groen, geel |
Geskiedenis
wysigZANU is op 8 Augustus 1963 deur dominee Ndabaningi Sithole in samewerking met die swart prokureur Herbert Chitepo gestig. Hulle was ontevrede met die militante politiek van Joshua Nkomo, die destydse leier van die ZAPU, wat in 1961 verban is. In 1964 benoem Sithole vir Robert Mugabe tot sekretaris-generaal van die organisasie. ZANU was 'n tipiese Afrika-vryheidsbeweging wat eers teen die Britse kolonialiste en later teen die blanke minderheidsregering van Ian Smith gestaan het.
Teen die einde van die sestigerjare kom die gewapende afdelings van ZANU, ZANLA en die radikale ZIPRA, tot stand. Nadat Chitepo deur lede van ZANLA en ZANU (Lusaka, Zambië, 18 Maart 1975) vermoor is, gryp Mugabe die mag binne die party. Vanaf 1975 is ZIPRA en ZANLA se guerillastryders in Mosambiek opgelei.
In teenstelling met die marxistiese-leninistiese ZAPU van Nkomo was ZANU van Mugabe eerder deur maoïsme beïnvloed. As gevolg hiervan is ZANU, anders as ZAPU, nie deur die Sowjetunie ondersteun nie.