Badesee
E Badesee isch e Bezeichnung fir e natyrlige oder kinschtlig oglegte See, wu vun vil Mensche zum effentlige Bade un Schwimme gnutzt wird. Nebe de eigetlige Wasserflächi halte sich d Lit, wu bade, meischt in de Ufernächi uf un nutze der Beriich zur Freyzitgschtaltung wie biispilswiis zum Schport, Schpil un zum Sunne. In Europa werdr Badeseeä klimatisch bedingt, heuptsächlig im Summer gnutzt.
![](http://178.128.105.246/cars-http-upload.wikimedia.org/wikipedia/commons/thumb/e/eb/Millstatter_See_swimming.jpg/220px-Millstatter_See_swimming.jpg)
Im Interessi vun de Badende un Schwimmer git s on vile Badeseeä Verbot fir Schiff un Boot, Ongle, Hind usw. Us Naturschutzgrind isch au meischt s Aazinde vun Fyr un d Benutzung vun Seife un Shampoo verbotte. Im Gegesatz zue ussereuropäische Länder (z. B. Indie) dient s Bade in Seeä in Europa hit nimmi dr Kerperreinigung, sundern nur no dr Erholung. Donebe hen Badeseeä e gsellschaftligi Funktion, hie konn mer zum Biischpil in ere unzwungene Atmosphär sini Freyzit verbringe un neyi Bekonntschafte schliesse.
D Benutzung vun de meischte Badeseeä isch koschtelos. Bi gresseri Badeseeä gits Inschtitutione, zum d Sicherheit vun de Badende z erheche, zum Biispil Schtatione vun de Wasserwacht. Im Gegesatz zue koschtepflichtige Freybäder git s bi de meischte Badeseeä kei Umkleidekabine un au kei Klo. On besser usbaute Badeseeä git s aber Gaschtronomiebtriib mit Toilette, dur des wird de hygienische Mongel gegeiber Freybäder abgfonge. Intressont sin si au fir viil Jugedligi un au fir Verliebti als e Megligkeit znacht un au nackig z bade.
Beditung
ändereE Badesee bietet de Lit d Megligkeit, noh om Wuhnort e paar Schtunde wie in eme Kurzurlaub z verbringe. Bsunders Mensche, wu in Wuhnunge ohni Garte lebe, verbringe im Summer bi guetem Wetter e grosse Teil vun de Freyzit on eme Badesee in de Nächi. Wege dem grossi Erholungswert isch fir mänki Mensche sogar bi de Wahl vum Wuhnort d Frog wichtig, wie wit d Entfernung zum nägschtglegene Badesee isch. E Badesee konn eso d Attraktivität vun eme Schtadtteil oder ere gonze Schtadt ditli erheche.
Monchmol werre d Ufergrundschtuck vun Badeseä au in einzelni Parzelle ufteilt un on Privatpersone verkauft. Es entstihn dobii au Kleigartesidlunge, sognannti Schrebergärte.
Bsunderi Arte vun Badeseeä
ändereBadeseeä sin vilmol e Folg vum Kies- oder Lehmabbau noch em Iifliesse vum Grundwasser bzw. eme Wasseriitritt vun freiglegte Quelle. Diä werre allgmein als Baggerseeä bezeichnet un fiere monchmol au Nome, wu vum urspringlige Zweck herriere, wie z. B. "Ziegelteich" (vum Abbau fir Lehmziegel).
Au Stauseeä kinne zuesätzli als Badeseeä gnutzt werre un hen dodedurich e zuesätzlige Mehrwert fir d Lit.
On vil Badeseeä, vor allem z Europa, isch FKK, des heisst velligs Blutsii, erlaubt. Monchmol sin au nur schpeziell usgwiiseni Uferberiich defir vorgsehne. Onsunschte konn au in Badekleidung (Männa Badehose, Fraue Eiteiler oder Bikini) badet werre, on viil Badeseeä wird au gmischt, jeda wie ner will badet un gsunnt. S entblesse vun de wiiblige Bruscht bim effentlige Bade und Sunne wird „oben ohne“-Bade gnennt un isch in Europa on fascht alle Badeseeä toleriert.
Weblink
ändereDä Artikel basiert uff ere fräie Übersetzig vum Artikel „Badesee“ vu de dütsche Wikipedia. E Liste vu de Autore un Versione isch do z finde. |