Die helvetischi Consulta
Die Helvetischi Consulta (ital. consulta = Rotsversammlig), au Helvetischi Konsulta, isch e Versammlig vo Notable und Deputierte us dr Helvetische Republik gsi, drunder die Delegierte vom Helvetische Senat, dr Karl von Müller-Friedberg, dr Auguste Pidou und dr Vinzenz Rüttimann, wo z Paris under dr Aleitig und Vermittlig vo dr französische Regierig unter em erste Konsul Napoléon Bonaparte zwüschen em 10. Dezämber 1802 und em 19. Februar 1803 d Mediationsakte, e neui Verfassig für d Schwiz und ihri Kantön, usgarbeitet het.
![](http://178.128.105.246/cars-http-upload.wikimedia.org/wikipedia/commons/thumb/d/de/Ueberreichung_Mediationsakte.jpg/220px-Ueberreichung_Mediationsakte.jpg)
S Vorbild für die Helvetischi Consulta isch die Cisalpinischi Consulta vom Oktober 1801 bis Januar 1802 z Lyon gsi, wo d Verfassig für die Italiänischi Republik gschriibe und dr Napoléon Bonaparte zum Bresidänt vo Italie gmacht het.