James Wolfe
Dr James Wolfe (* 2. Januar 1727 z Westerham, Kent; † 13. September 1759) isch e britische General gsi. Si Rolle bi dr Eroberig vo Kanada dur Groossbritannie im Siibejöörige Chrieg isch vo groosser Bedütig gsi. Won er am 13. Septämber 1759 d Stadt Quebec in dr Schlacht uf dr Abraham-Eebeni iignoo het, isch das dr Wändipunkt in de Franzoose- und Indianerchrieg gsi, wo de Brite d Herrschaft über Kanada brocht het. Dr Wolfe isch in dere Schlacht schweer verwundet worde und no am gliiche Daag gstorbe. Er isch in dr St Alfege Chille z Greenwich begraabe worde und me het em e Dänggmol in dr Westminster Abbey ufgstellt.
![](http://178.128.105.246/cars-http-upload.wikimedia.org/wikipedia/commons/thumb/e/ee/General-james-wolfe.jpg/220px-General-james-wolfe.jpg)
Dr Wolfe isch vo sine Soldaate vereert worde, au vo de schottische Hoochländer, won er no 1745/46 gege sä kämpft het. Si Dood isch e groosse Verlust für die britischi Armee gsi, wo in deere Zit fast käini fähige Kommandöör ghaa het, wie es sich spööter im amerikanische Unabhängigkäitschrieg (1775 bis 1783 ) zäigt het.
Litratuur
ändere- Robert Wright: Life of Major General James Wolfe. – London: Chapman & Hall, 1864
- Francis Parkman: Montcalm and Wolfe. – Boston: Little, Brown & Co, 1885 <reprinted 1964>
- Beckles Willson: The Life and Letters of James Wolfe. – London: Heinemann, 1909
- William Templeton Waugh: James Wolfe: Man and Soldier: – Montreal: L. Carrier & Co, 1928
- Robin Reilly: The Rest to Fortune: The Life of Major General James Wolfe. – London: Cassell, 1960
- Stephen Brumwell: Paths of Glory: The Life and Death of General James Wolfe. Montreal 2007, ISBN 978-0-7735-3261-8.
Weblingg
ändereDä Artikel basiert uff ere fräie Übersetzig vum Artikel „James_Wolfe“ vu de dütsche Wikipedia. E Liste vu de Autore un Versione isch do z finde. |