Klement Gottwald
De Klement Gottwald (* 23. November 1896 z Dědice bi Vyškov, Mähre; † 14. März 1953 z Prag, Tschechoslowakei) isch en tschechoslowakische kommunistische Politiker und vo 1948 bis 1953 de stalinistisch Diktator vo de Tschechoslowakei ksi.
![](http://178.128.105.246/cars-http-upload.wikimedia.org/wikipedia/commons/thumb/d/d7/K_Gottwald.jpg/220px-K_Gottwald.jpg)
Er isch vo 1929 bis 1948 Vorsitzende vo de Kommunistische Partei vo de Tschechoslowakei (KSČ) und nach m Zweite Wältchrieg zerst Ministerpräsident (1946–1948) und denn nach de kommunistische Machtübernahm Staatspräsident vo de Tschechoslowakei (1948–1953) ksi.
Em Gottwald sis stalinistische Regime gilt als d dunkelsti Periode vo de kommunistischen Diktatur in de Tschechoslowakei. Lut historische Schätzige sind zwische 1948 und 1953 öpe 500'000 Mänsche ums Läbe cho. Die meiste sind us politische und religöse Gründ vo de Gheimpolizei StB ermordet worde. Nach sim Tod isch er ibalsamiert worde und im e Mausoleum begrabe worde. 1960 isch er entfernt worde.
Hüt isch de Gottwald sehr unbeliebt und isch 2005 in ere Meinigsumfrag vo Česká televize zum unbeliebteste Tschech gwählt worde.
Primärliteratur
ändere- Spisy. 15 Bände. Prag 1951–1961 (dütsch: Ausgewählte Reden und Schriften 1925–1952. Dietz-Verlag, Berlin 1974)
Weblinks
ändere- Renate Zöller: Vor dem Mausoleum rollen die Skater (Artikel i de Prager Zeitung vom 17. September 2003)