Aytən Səfərova
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Bu məqaləni vikiləşdirmək lazımdır. |
Piriyeva Aytən Sədaqət qızı (doğum soyadı: Səfərova; Ağsu) — azərbaycanlı jurnalist, teleaparıcı.
Aytən Səfərova | |
---|---|
![]() | |
Doğum yeri | |
Fəaliyyəti | jurnalist |
![]() |
Həyatı
redaktəAytən Sədaqət qızı Səfərova martın 18-də Azərbaycanın Ağsu şəhərində anadan olub. 6 yaşından etibarən ailəsilə birlikdə Rusiyanın Tümen vilayətinin Nyaqan şəhərinə köçüb. Lakin bir neçə ildən sonra balaca qardaşı Arazın faciəvi şəkildə vəfatından sonra yenidən ailəliklə Azərbaycana qayıdıblar.
Əmək fəaliyyətinə "Ayna"-"Zerkalo" qəzetlərində başlayıb. 1998-ci ilin aprel ayından etibarən ANS ÇM radiosunda fəaliyyətə başlayıb. Əvvəlcə radioda xəbər buraxılışlarının və "İsti-İsti" verilişinin aparıcısı, daha sonra ANS TV-də "Pressing", "İç xəbər" və "Xəbərçi" verilişlərinin prodüseri, "İç xəbər" verilişinin müxbiri və aparıcısı, "Xəbərçi" verilişinin aparıcısı, prodüseri, Baş aparıcı-redaktoru vəzifələrində çalışıb.
2005-ci il yanvarın 28-də ailə qurub. 2006-cı il yanvarın 23-də Ayza adlı qız övladı dünyaya gəlib. Bir müddət televiziyadan ayrılsa da (analıq məzuniyyəti) 2007-ci ilin may ayında yenidən ANS TV-yə işə qayıdıb. Əvvəlcə ANS Press xəbər agentliyinin Baş redaktoru, daha sonra isə ANS ÇM radiosunun baş aparıcısı və "Hər səhər" informasiya-əyləncəli verilişinin aparıcısı vəzifəsinə çalışıb. Parallel olaraq həftəlik "Kökaltı" satirik verilişinin aparıcısı olub. "Kökaltı" proqramı Azərbaycanda analoqu olmayan bir layihə kimi tamaşaçılar arasında populyarlıq qazanmaqla yanaşı, Aytən Səfərovanı xalqa və geniş auditoriyaya tamamilə başqa bir prizmadan tanıdıb və daha çox sevdirib. Verilişin qonaqları ilə tamamilə fərqli üslubda, digər aparıcılardan kəskin fərqli şəkildə dialoq qurması A. Səfərovanın qısa vaxt ərzində tam fərqliliyini, dərin zəkalı, böyük söz ehtiyatına malik savadlı, haradasa "iynəli", düz sözü Sabirsayağı çatdıran jurnalist və aparıcı kimi fərqləndirməyi bacarıb. Məhz bu xüsusiyyətlərinə görə o, sadə insanlar arasında daha çox sevilməyə başlayıb. Layihə üç televiziya mövsümü ərzində populyar verilişlər arasında ən yüksək reytinqləri toplaya bilib. 2013-cü ildə layihədən "yorulması" səbəbindən A. Səfərova fəaliyyətini radioda "Hər səhər" verilişində davam etdirmək istəsə də, həmin ilin oktyabr ayında yenidən ANS TV-də aparıcılıq təklifini alaraq "Salam, Azərbaycan" səhər informasiya proqramının layihə rəhbəri və aparıcısı vəzifəsində çalışmağa başlayıb. Bu müddət ərzində onu geniş auditoriya qorxmaz, düz sözü deməyi bacaran, sadə insanların problemlərini qabardıb efirdə səsləndirən tək-tük aparıcılardan biri adlandıraraq hörmətli telejurnalist kimi qələmə verib. A. Səfərova sətiraltı, bəzən yumor və satira ilə cəmiyyətdə olan problemlər, sadə insanların müəyyən sahələrdə üzləşdiyi əngəlləri çatdırmağı bacaran, Azərbaycanda KİV-də söz azadlığının bariz nümusnəsi adlandırıblar. 2015-ci il sentyabrın 1-də A. Səfərova ANS TV-dən ayrılıb. Elə həmin vaxt da Azərbaycanın ən populyar telekanallarından biri, öz dəst-xəttilə seçilən "Azad Azərbaycan" telekanalından təklifi qəbul edərək bu teleşirkətlə əməkdaşlığa başlayıb.
2015-ci il oktyabrın 16-da Aytən Səfərova ikinci dəfə ana olub. Onun Raul adlı oğlu dünyaya gəlib. 2018-ci il dekabrın 1-də Aytən Piriyeva (Səfərova) üçüncü dəfə ana olub. Onun Nizami adlı oğlu dünyaya gəlib. 2019-cu ildə ikinci dəfə ailə həyatı qurduğu ərinin soyadı olan Piriyeva soyadına keçib.[1]
İstinadlar
redaktə- ↑ "Tanınmış aparıcı soyadını niyə dəyişdi? — Aytən Piriyeva oldu". 2019-07-27 tarixində arxivləşdirilib. İstifadə tarixi: 2019-07-27.