Bevökarungsdichtn
D'Bevökarungsdichtn gibd au, wiavui Eihwohna in om bstimmdn Gebiet duachschnittli af ana bstimmdn Flächneihheit, meistns om Quadratkilometa, lem. Ausgrechnd wead de Zoih, in dem ma d'Bevökarungszoih vu ana Region duach'd Owaflächn vo dera Region teud. An hochn Weat hom voa oim de Städt.
![](http://178.128.105.246/cars-http-upload.wikimedia.org/wikipedia/commons/thumb/b/bc/Population_density.png/220px-Population_density.png)
![](http://178.128.105.246/cars-http-upload.wikimedia.org/wikipedia/commons/thumb/d/d0/Countries_by_Population_Density_in_2015.svg/220px-Countries_by_Population_Density_in_2015.svg.png)
S'Umgekeahte, d'duachschnittliche Fläch pro Eihwohna in am Gebiet, nennd ma Arealitetsziffa, de meistns mid m²/Leit ois Eihheit ougem wead.
De häxde Bevökarungsdichtn vu de Lända vu da Wöd hod Monaco mid iwa 18.000 Leit pro km², in da Mongolei sans ned amoi 2 Leit pro km². Grönlaund is no dinna bsiedld, owa ka söbstständiga Stoot aa ned; duat is de Bevökarungsdichtn 0,025 Leit pro km². Da vamuatli häxde Bevökarungsschnitt, dens je gem hod, woan de 1.900.000 Leit pro km² in da Walled City, heit a Tei vu Hong Kong.
D'Aussogekroft vu dem Weat is ofd ned sondalich hoch. In Egyptn zan Beispüi is da Laundesschnitt 72 Leit pro km², owa da Großtei vum Laund is a Wiastn und iwahapt ned bewohnd, Kairo is dofia stöinweis extrem dicht bsiedld.