Karma sa Hinduismo
An Karma sarong konsepto nin Hinduismo na diyan ilinaladawan an sarong sistema na kun saen an kapakipakinabang na mga epekto hale sa nakaaging kapakipakinabang na mga gawe - gawe asin nakadadanyar na mga epekto nin nakaaging nakadadanyar na mga gibo, na naggigibo nin sarong sistema nin mga gawe - gawe asin reaksyon sa bilog na sistema nin buhay nin sarong kalag (jivatman'), na nagigin siklo nin pagkamundag liwat.[1] Sinasabing an kaswalidad aplikado bako sanang sa materyal na kinaban kundi pati sa satong mga kaisipan, tataramon, hiro, asin gawe - gawe na ginigibo nin iba sa irarom kan satong mga instruksiyon. Halimbawa, kun naggigibo kita nin marahay, may marahay na nangyayari sa sato, asin aplikado man iyan kun makagibo kita nin maraot. Sinasabi sa Puranas na an kagurangnan nin karma iyo an planetang Saturn, Shani.
![](http://178.128.105.246/cars-http-upload.wikimedia.org/wikipedia/commons/thumb/b/ba/Karma_AS.jpg/229px-Karma_AS.jpg)
Segun sa Vedanta (na iyo an pinakamaimpluwensiyang eskwelahan nin teolohiyang Hindu), an mga epekto kan karma kontrolado nin Dios (Isvara).[2][3]
Igwa nin tolong laen - laen na klase nin karma: prarabdha, sanchita, asin kriyamana o agami.[4] An Prarabdha karrma naeeksperyensiahan sa paagi kan presenteng hawak asin kabtang sana nin sanchita karma na iyo an kantidad kan nakaaging mga karma nin saro katawo, asin an agami karma resulta nin presenteng mga desisyon asin gawe - gawe.[5]
Toltolan
baguhon- ↑ Brodd, Jeffrey (2003). World Religions. Winona, MN: Saint Mary's Press. ISBN 978-0-88489-725-5.
- ↑ Flood, Gavin Dennis (1996). An Introduction to Hinduism, pp. 231–232, 238. Cambridge University Press.
- ↑ Francis X Clooney (1993), Theology After Vedanta: An Experiment in Comparative Theology, State University of New York Press, ISBN 978-0-7914-1365-4, pages 68-71
- ↑ Sivananda, Swami (1993). All about Hinduism (5th ed.). Tehri-Garhwal, U.P., Himalayas, India: Divine Life Society. ISBN 81-7052-047-9.
- ↑ J. P. Vaswani (1 August 2013). What You Would Like to Know about Karma. Sterling Publishers Pvt. Ltd. p. 77. ISBN 978-81-207-2774-8. Retrieved 27 September 2013.