Віктар Нічыпаравіч Дашук

Нарадзіўся 16 верасня 1938 года ў в. Валокі Хойніцкага раёна Гомельскай вобласці.

Скончыў факультэт журналістыкі Беларускага дзяржаўнага ўніверсітэта (1960), Вышэйшыя курсы сцэнарыстаў і рэжысёраў у Маскве (аддзяленне кінарэжысуры, майстэрня Л. Траўберга, 1967).

З 1960 года працаваў на кінастудыі «Беларусьфільм»: быў адміністратарам, асістэнтам аператара, кінарэжысёра; з 1963 года — рэжысёр, аператар, сцэнарыст у дакументальным і мастацкім кіно. Стварыў студыю «Спадар Д.» (1993—2005). Выконваў абавязкі прафесара Беларускай акадэміі мастацтваў, кіраўнік майстэрні рэжысуры дакументальнага кіно (1989—1993).

Жанаты, мае дваіх дзяцей і дваіх ўнукаў.

Па ўласных сцэнарыях зняў больш за 80 твораў (у т. л. злабаднеўныя дакументальныя фільмы «Ноч доўгіх нажоў», «Рэпартаж з клеткі для трусоў»). Выступае з публіцыстычнымі артыкуламі.

• Дом (1970)
• Безумству храбрых (1970)
• Даўным-даўно скончаны бой (1970)
• Зязюля кукавала… (1972)
• Біяграфія паланэза ля мінор (1973)
• Я з вогненнай вёскі (1975—1978)
• Развітанне (1980)
• У вайны не жаночы твар (1980—1984)
• Труба (1981)
• Дзевяноста шостая восень (1981)
• Васіль Быкаў. Узыходжанне (1984)
• Двое на востраве слёз (1987, маст. фільм)
• Чурбанаў і іншыя (1989)
• Форс-мажор (1990)
• Віцебская справа (1989—1991)
• Салодкая атрута кахання (1995, х/ф)
• Паміж Сатаной і Богам (1997)
• Ноч доўгіх нажоў (1998) — забаронены ў Беларусі
• Рэпартаж з клеткі для трусоў (2000) — забаронены ў Беларусі
• Дэкамерон па-беларуску (2003)
• Magnum misteria (2004)
• Леанiд Левiн. Вайна i любоў (2006)

• Прэмія Ленінскага камсамола Беларусі (1976);
• Заслужаны дзеяч мастацтваў БССР (1977);
• Дзяржаўная прэмія СССР (1985) — за цыклы фільмаў «Я з вогненнай вёскі» і «У вайны не жаночы твар»;
• Народны артыст Беларускай ССР (1990);
• першыя прэміі на кінафестывалях у Фрунзэ, Кіеве, Таліне, Любліне;
• ганаровы дыплом журы 42-га Міжнароднага кінафестывалю ў Кракаве (2003);
• прыз «Срэбны голуб» на Міжнародным фэсце ў Лейпцыгу (1984) — за фільм «Я сустрэў вас».

• Дашук Виктор Никифорович // Кто есть кто в Республике Беларусь: Электронный справочник; БДГ on-line. — Эл. ресурс bdg.by
• Дашук Виктор // Кто есть кто в Беларуси. Хто ёсць хто ў Беларусі. Who’s who in Belarus / Складальнікі В. Голубеў, А. Кіжэ, А. Смольскі, В. Трыгубовіч, Г. Ахметава, В. Чуйко. — М.: Кніжны дом «Университет», 1999. — 176 с. ISBN 5-8013-0068-6
  • Красинский А. В. Кинодокумент и образ времени. — Мн., 1980;
  • Михайлова С. Д. Активный экран. — Мн., 1979;
  • Белосинская Н. Огненная лента памяти // Советский экран. — 1977. — № 4;
  • Бабкова А. Пачуццё шляху // Мастацтва Беларусі. — 1983. — № 8;
  • Энцыклапедыя літаратуры і мастацтва Беларусі. — Мн., 1985. — Т.2. — С. 279—280;
  • Беларусь: Энцыклапедычны даведнік. — Мн., 1995. — С. 264—265;
  • Беларуская Энцыклапедыя: У 18 т. — Мн., 1998. — Т.6. — С. 72-73.