Даната Брамантэ
Даната Брамантэ (італ.: Donato (Donnino) di Pascuccio di Antonio detto il Bramante, 1444, Ферміньяна — 11 красавіка 1514, Рым) — заснавальнік і найбуйнейшы прадстаўнік архітэктуры Высокага Адраджэння. Яго самай вядомай працай з'яўляецца галоўны храм заходняга хрысціянства — базіліка Святога Пятра ў Ватыкане.
Даната Брамантэ | |
---|---|
італ.: Donato Bramante | |
Помнік Брамантэ на віле Медычы | |
Імя пры нараджэнні | Даната дзі Паскуча д’Антоніа |
Дата нараджэння | 1444[1][2][…] |
Месца нараджэння | |
Дата смерці | 11 красавіка 1514 |
Месца смерці | |
Паходжанне | італьянец |
Род дзейнасці | архітэктар, мастак, інжынер |
Жанр |
жывапіс архітэктура |
Мастацкі кірунак | Высокае Адраджэнне |
Вядомыя працы |
Сабор Святога Пятра Санта-Марыя-дэла-Пачэ Санта-Марыя-дэле-Грацые Тэмп’ета |
Заступнікі |
Папа Юлій II Папа Аляксандр VI |
![]() |
![](http://178.128.105.246/cars-http-upload.wikimedia.org/wikipedia/commons/thumb/0/01/Tempietto_di_San_Pietro_in_Montorio.jpg/300px-Tempietto_di_San_Pietro_in_Montorio.jpg)
Біяграфія
правіцьДаната Брамантэ нарадзіўся ў Монтэ Асдруальда (цяпер Ферміньяна). Юнацтва ён правёў ва Урбіна, дзе выпрабаваў ўплыў мастакоў П'ера дэла Франчэскі і Лучана Лаураны. Пачынаў як жывапісец. У 1476 г. быў запрошаны ў гэтай якасці ў Мілан да двара герцага Ладавіка Мора, дзе сустрэўся з Леанарда да Вінчы, ідэі ��кога ў галіне горадабудаўніцтва аказалі вялікі ўплыў.
Міланскі перыяд Брамантэ доўжыўся 20 гадоў. Ён узвёў некалькі будынкаў, напрыклад, алтарную частку царквы Санта-Марыя-дэле-Грацые. З 1499 пасля захопу Мілана французскімі войскамі пераехаў у Рым. Тут мастацтва Брамантэ набыло класічную чысціню і манументальнасць. Найбольшай пластычнай цэласці ён дасягнуў у маленькай капліцы-ратондзе Тэмп’ета (1502) ў двары кляштара Сан-П'етра ін Мантарыа. Пры Папе Юліі II стаў галоўным папскім архітэктарам; з 1503 вёў па даручэнні Юлія II шырокія працы ў Ватыкане (двор Сан-Дамаза і двор Бельведэр). Спраектаваў і пачаў будаваць галоўны храм Рыма — сабор Святога Пятра ў Ватыкане (з 1505) і паспеў ўзвесці храм да вышыні арак. Творчасць Брамантэ — адна з вяршыняў архітэктуры Адраджэння.
У комплексе Ватыканскага палаца знаходзяцца дзве пабудовы Брамантэ — двары Бельведэр (1503—1545) і Сан Дамаза (каля 1510). Іншыя выбітныя работы Брамантэ — круглы храм Тэмп'ета ў двары кляштара Сан П'етра ін Мантарыа (1502), унутраны дворык царквы Санта-Марыя-дэла-Пачэ і фасад палацца Канчэлерыя (1499—1511), аднаго з найбольш вытанчаных рэнесансных палацаў у Рыме.
Зноскі
- ↑ Bruschi A. BRAMANTE, Donato // Dizionario Biografico degli Italiani — 1971. — Vol. 13.
- ↑ Donato Bramante
Літаратура
правіць- Arnaldo Bruschi, Bramante architetto, Roma-Bari, 1969.
- Arnaldo Bruschi, Bramante, Laterza, 1973.
- Bramante milanese e l'architettura del Rinascimento lombardo , atti del seminario di studi a cura di Christoph L. Frommel; Luisa Giordano; Richard Schofield, Padova 2005
- E. H. Gombrich, Norma e forma. Studi sull'arte del Rinascimento, Torino, 1964
- Stefania Buganza, Qualche considerazione sui primordi di Bramante in Lombardia in «Nuovi Studi» 11, 2005.
- Horst Bredekamp, «La fabbrica di San Pietro. Il principio della distruzione pruduttiva», Torino, Einaudi, 2005
Спасылкі
правіць- На Вікісховішчы ёсць медыяфайлы па тэме Даната Брамантэ