По (рака)

По (італ.: Po, лац.: Padus) — рака на поўначы Італіі, працякае праз правінцыі Равіга, П’емонт, Ламбардыя, Венета, самая доўгая рака ў краіне.

По
італ. Po
Рака По паблізу горада Турын
Характарыстыка
Даўжыня	652 ± 1 км[1]
Басейн	74 000 км²[1]
Расход вады	1 540 м³/с
Вадацёк
Выток	Pian del Re[d]
• Вышыня	2022 м
• Каардынаты	44°42′05″ пн. ш. 7°05′35″ у. д.HGЯO
Вусце	Адрыятычнае мора
• Вышыня	0 м
• Каардынаты	44°58′12″ пн. ш. 12°32′49″ у. д.HGЯO
Размяшчэнне
Водная сістэма	Адрыятычнае мора
Краіна	Італія
Вадазбор ракі По
— выток, — вусце
Медыяфайлы на Вікісховішчы

Даўжыня ракі 652 км. Плошча вадазбору каля 71 тыс. км² (75 тыс. км²^[2], паводле плошчы вадазбору, По — найбуйнейшая рака Італіі).

Пачынаецца ў Коцкіх Альпах, цячэ пераважна па Паданскай раўніне з захаду на ўсход і ўпадае ў Адрыятычнае мора. У дэльце распадаецца на пяць буйных струмянёў (По-ды-Маэстра, По-дэла-Піла, По-дэле-Толе, По-ды-Ньока, По-ды-Гора). Утварае забалочаную дэльту (плошча каля 1,5 тыс. км²). Галоўныя прытокі: Дора-Рыпарыя, Дора-Бальгэа, Агонья, Тычына, Ада, Ольё, Мінча, Тартара (злева); правыя прытокі больш кароткія і менш мнагаводныя.

Частыя паводкі. Сярэдні расход вады ў ніжнім цячэнні каля горада Ферара 1460 м³/с.

Выкарыстоўваецца для арашэння. У басейне По шмат ГЭС. Суднаходная на 540 км ад вусця. Суднаходнымі прытокамі і каналамі злучана з азёрамі Лага-Маджорэ, Кома, Гарда. На По гарады Турын, П’ячэнца, Крэмона.