Jeriji jejangkung
Jeriji jejangkung[1] (hurup Arab Gundul: جريجى ججڠکوڠ) atawa jeriji jangkung[1] (hurup Arab Gundul: جريجى جڠکوڠ) atawa jeriji tenga(h)[1] (hurup Arab Gundul: جريجى تڠا) atawa jeriji nenga[1] (hurup Arab Gundul: جريجى نڠا) entu jeriji ketiga di orang punya tangan nyang adanya di tenga-tenga antara jeriji telunjuk (jeriji kedua deri jempol) èn jeriji manis (jeriji keempat). Biasanya, ni jeriji – jeriji paling jangkung. Dalem basa Latin, ni jari juga' digero' digitus medius ('jeriji tenga'), digitus tertius ('jeriji ketiga') atawa digitus III dalem èlmu tasrih.
![](http://178.128.105.246/cars-http-upload.wikimedia.org/wikipedia/commons/thumb/8/89/Hand_-_Middle_finger.jpg/220px-Hand_-_Middle_finger.jpg)
Di berapa negara, wabilhusus di Kulon, nggacengin jeriji jejangkung sendèwèkan dianggep tanda "kokbrut". Di Britani Gedé, ni gerakan kena diserèntain ama jeriji telunjuk dilempengin barengan rapet-rapet. Ni gerakan ngehina dalem basa Inggris digero'nya flipping the bird,[2] flipping someone off atawa giving the finger. Kebalikannyah, kalu dilempengin barengan ama jeriji telunjuk èn dipengkangin ngeja hurup "V" artinya bisa angka 2 atawa tenger kemenagan ("V" bakal "victory" 'kemenangan').
Jeriji jejangkung sering dipaké bakal melitikin jeriji barengan ama jempol.