Elizabed
Hervez an Testamant Nevez (Lk 1) ez eo Elizabed / Elizabeth / Elisabeth (hebraeg אֱלִישָׁבַע Alisba / "ma doue en deus touet", arabeg أليصابات Alyassabat, gresianeg Ἐλισάβετ Elisabet) mamm Yann Vadezour[1].
![](http://178.128.105.246/cars-http-upload.wikimedia.org/wikipedia/commons/thumb/a/a2/Nicolas_Labb%C3%A9-La_Visitation.jpg/220px-Nicolas_Labb%C3%A9-La_Visitation.jpg)
Eus rummad Aaron e oa, gwreg Zec'haria ha kenitervez da Vari, mamm Jezuz.
Pa zeuas Mari d'he gweladenniñ e lavaras Elizabed dezhi :
« Benniget out e-touez ar gwragez, ha benniget frouezh da gorf.
A belec'h e c'hoarvez ganin e teufe d'am c'haout mamm va Aotrou ?
Rak setu, kerkent ha m'eo deuet da vouezh betek ma divskouarn, en deus tridet va bugelig em c'hreiz gant al levenez.
Eürus an hini he deus kredet, rak sevenet e vo ar pezh a zo bet lavaret dezhi a-berzh an Aotrou »[2].
Respont a reas Mari gant ar c'hantik holl rudet Magnificat pe Va ene a gan braster an Aotrou[3] Testenn vrezhonek ar c'han a gaver war ur blakenn brierezh war voger porzh Iliz ar Weladenn en Ein Kerem e-kichen Jeruzalem e-touez nouspet yezh all.[4].
Roet e vez ar stumm Elesbed d'he anv ivez.