Commons:Léngkah munggaran
![](http://178.128.105.246/cars-https-upload.wikimedia.org/wikipedia/commons/thumb/5/51/Puzzly_%28RTL%29.svg/160px-Puzzly_%28RTL%29.svg.png)
Wikimedia Commons téh naon?
Ku ngawadahan puluhan juta berkas, Wikimedia Commons téh minangka gudang/répositori onlén rupa-rupa berkas média. Diwangun sacara réréongan ku rébuan rélawan, Commons nyadiakeun berkas gambar, vidéo, jeung audio édukasional anu dipaké ku Wikipédia jeung proyék lianna anu ditangtayungan ku Wikimedia Foundation.
Sakur karya di Commons mibanda "lisénsi bébas", anu hartina bisa dipaké jeung dibagikeun ku sing saha waé kalawan bébas, luyu jeung aturan lisénsina - biasana ku cara nyebutkeun nu nyieunna sarta ngajaga lisénsina ngarah anu séjén ogé bisa ngabagikeun éta karya.
![](http://178.128.105.246/cars-https-upload.wikimedia.org/wikipedia/commons/thumb/e/ea/Commons_screenshot.png/400px-Commons_screenshot.png)
Keur naon ilubiung di Wikimedia Commons?
Bayangkeun lamun di dunya ieu unggal jalma bisa babagi sakur pangaweruh. Anjeun bisa ilubiung. Nalika anjeun babagi poto jeung berkas lianna di Commons sarta ngeuyeuban artikel Wikipédia ku ilustrasi éta, karya anjeun bisa jadi ditempo ku rébuan - samalah ratusan rébu - jalma ti sakuliah dunya. Anjeun mantuan ngawangun sumberdaya babarengan anu ngahontal audiens anu leuwih lega; média ti Commons dipaké ku raramatloka atikan, warta, blogger, seniman, anu nyieun pilem, siswa, guru, sarta anu lian.
![](http://178.128.105.246/cars-https-upload.wikimedia.org/wikipedia/commons/thumb/7/75/Puzzly_puzzled.svg/200px-Puzzly_puzzled.svg.png)