Heavy metal
C'l artìcul chè 'l è scrit in
Miranduléś |
![](http://178.128.105.246/cars-http-upload.wikimedia.org/wikipedia/commons/thumb/1/13/Iron_Maiden_at_The_Fields_of_Rock_festival.jpg/205px-Iron_Maiden_at_The_Fields_of_Rock_festival.jpg)
![](http://178.128.105.246/cars-http-upload.wikimedia.org/wikipedia/commons/thumb/b/bc/ACDC_in_St._Paul%2C_November_2008.jpg/205px-ACDC_in_St._Paul%2C_November_2008.jpg)
![](http://178.128.105.246/cars-http-upload.wikimedia.org/wikipedia/commons/thumb/7/7b/Doro_Pesch_%E2%80%93_Wacken_Open_Air_2014_02.jpg/205px-Doro_Pesch_%E2%80%93_Wacken_Open_Air_2014_02.jpg)
'L Heavy Metal (a s lèś [ˈhɛvɪ ˈmɛtəl] in ingléś, Metàl Pēś in miranduléś, cgnusû da spés anc sōl cuma „Metal“) 'l è 'n gènar muśicàl ch'al fà part dla mùśica rock o, par dir-la méj, da 'l sò sót-gènar d'l Hard Rock (Rock Dûr). Al gh'à di ritm dimóndi agresìṿ e di sòṅ putènt tirâ fóra dand impurtànsa a 'l amplificasiòṅ e a 'l distursiòṅ dal chitàri lètrichi, di bas e, dal vòlti, anc dla vóś.
Al gh'à abû dimóndi impurtànsa in di an Stanta e Utànta dand vita a dimóndi sót-gènar cuma 'l speed metal, al thrash metal, al power metal, al black metal, al death metal e 'l doom metal.
La prima vòlta ch'a s è druâ al tèrmin Heavy Metal par batśàr un gènar muśicàl 'l è stâ in di prim an Stanta in di giurnài di Stat Unî mént'r i Steppenwolf i 'l aṅ druâ par prim in dal tèst dla sò canta Born to Be Wild. Dimóndi di prim grup ch'i 'l aṅ sunâ, da la fiṅ di an Ssanta andànd avànti, i daśvgnìvan da la sità industriàla ingléśa 'd Birmingham cuma Led Zeppelin, Deep Purple, Blue Cheer, The Move, Blue Öyster Cult, Black Sabbath e i Judas Priest.
In gènar la furmasiòṅ tìpica 'd un grup metal la gh'à dèntar: un baterìsta, un basìsta, un chitarìsta rìtmic, un chitarìsta sulìsta e 'n cantànt. Dal vòlti a gh pōl ès'r anc un tastérista.
Muimènt tìpic d'l Heavy Metal
Durànt i cuncèrt Heavy Metal a sucéd da spés ch'in dal pùblic o fra i sunadōr stés i gh sìan di muimènt o di gèst caraterìstic dal gènar, i più impurtànt i èṅ qvist chè 'd sóta:
- Air guitar - mimàr al gèst ad sunàr la chitàra;
- Pogo - saltàr adòs e dar di cuć c'n al spali a la gint darènt;
- Moshing - praticamènt cumpàgn a 'l pogo ma più rabî;
- Headbanging - squasàr al cô tgnénd adrē a la mùśica;
- Còran - gèst 'd amicìsia;
- Crowd surfing - far-as traśàr insìma a la gint;
- Stage diving - butàr-as śò da 'l pac finénd in mèś a 'l pùblic;