Hautmont
![]() |
Por samtitola artikolo vidu la paĝon Hautmont (stacidomo). |
Hautmont estas franca komunumo lokita en la departemento Nord kaj en la regiono Nordo-Kaleza Markolo. Ĝi havis 16 021 loĝantojn laŭ censo plenumita en 1999.
Hautmont | |||||
---|---|---|---|---|---|
| |||||
komunumo en Francio ![]() | |||||
Blazono | |||||
Administrado | |||||
Statuso | Komunumo | ||||
Lando | Francio | ||||
Regiono | Hauts-de-France | ||||
Departemento | ![]() | ||||
Arondismento | Avesnes-sur-Helpe | ||||
Kantono | Hautmont | ||||
| |||||
INSEE kodo | 59291 [+] | ||||
Poŝtkodo | 59330 | ||||
Kodo laŭ INSEE | 59291 | ||||
En TTT | Oficiala retejo [+] | ||||
Politiko | |||||
Urbestro | S-ro Joël Wilmotte 2008-2014 | ||||
Demografio | |||||
Loĝantaro | 16 021 (1 999) | ||||
Loĝdenso | 1 305 loĝ./km² | ||||
Geografio | |||||
Koordinatoj | 50°14′55″N 3°55′31″O / 50.24861°N, 3.92528°O (mapo) Koordinatoj: 50°14′55″N 3°55′31″O / 50.24861°N, 3.92528°O (mapo) | ||||
Alto | 123 m - 184 m | ||||
Areo | 12,27 km² | ||||
Horzono | UTC +1 (+2 somere) | ||||
![]() | |||||
50° 14′ 55″ Nordo 3° 55′ 31″ Oriento / 50.2486111111 °N, 3.92527777778 °O (mapo) | |||||
Alia projekto | |||||
![]() | |||||
| |||||
Geografio
redaktiHautmont situas inter Aulnoye-Aymeries kaj Maubeuge, en la suda parto de la natura baseno de la rivero Sambre.
La vilaĝo Hautmont troviĝas proksime de la urbeto Avesnes-sur-Helpe, kaj do situas kerne de natura regiono nomita "Avesnois", kiu ĉefe konsistas el malaltaj heĝoj, tre verdaj pejzaĝoj, boskoj, fruktarbaroj kaj etaj vilaĝoj. Hautmont etendiĝas sur 12,27 km².
Historio
redaktiLa 3-an de aŭgusto 2008, grava tornado trafis la komunumojn Hautmont, Neuf-Mesnil, Maubeuge kaj Boussières-sur-Sambre. Ĝi kaŭzis la mortojn de tri homoj (alia mortigis sin pro la katastrofo). Ĝi difektis entute 1 584 domojn kaj apartamentojn, el kiuj 291 estis tute detruitaj.
Vidindaĵoj
redaktiVideblas en Hautmont la ruinoj de benedikta abatejo fondita en la 7-a jarcento : la ruinoj datiĝas de la 17-a kaj 18-a jarcentoj. La loka preĝejo Notre-Dame de l'Assomption estis starigita en la 19-a jarcento.
Administrado
redaktiHautmont estas la ĉefurbo de la kantono de Hautmont, kiu entenas 7 komunumojn. Tiu kantono mem estas parto de la arondismento de Avesnes-sur-Helpe, unu el la 6 arondismentoj de la departemento Nord.