Opava (rivero)
![]() |
Por aliaj signifoj, bv. rigardi la apartigilan paĝon: Opava (apartigilo) |
Opava (ĉeĥe, germane Oppa, pole Opawa) estas maldekstra alfluanto de rivero Odro, kiu trafluas en distriktoj Bruntál, Opava kaj Ostrava-urbo en Moraviasilezia regiono. La rivero estiĝas kiel kunfluo de riveretoj Meza Opava (Střední Opava, Mitteloppa) kaj Nigra Opava (Černá Opava, Schwarze Oppa) en Vrbno pod Pradědem. Kiel plua fontrivero foje ankaŭ indikatas Blanka Opava (Bílá Opava, Weiße Oppa), kiu enfluiĝas dekstre en Mezan Opava proksimume sur ties rivera kilometro 0,9. Nigra Opava fontas apud nordokcidentaj deklivoj de Orlík kaj Meza Opava (iam ankaŭ Ora Opava) fontas sur nordorientaj deklivoj de Praděd. La longo de la fluo faras 110,7 km. La areo de la akvokolektejo mezuras 2089,0 km². De kunfluejo de Opavice ĝis Opava-Vávrovice ĝi kreas ŝtatlimon kun Pollando (Opola Provinco) en longo proks. 25 km. La plej granda alfluanto estas rivero Moravice.
Opava | |
germane Oppa, pole Opawa | |
rivero | |
Rivero Opava sub Háj ve Slezsku
| |
Kromnomoj: ĉeĥe: Opavice, Černá Opavice, Opa | |
Landoj | Ĉeĥio, Pollando |
---|---|
Regionoj | Moraviasilezia regiono, Opola Provinco |
Distriktoj | Distrikto Bruntál, Distrikto Opava, Distrikto Ostrava-urbo |
Montaro | Hrubý Jeseník |
Alfluantoj | |
- maldekstraj alfluantoj | 8
|
- dekstraj alfluantoj | 11
|
Ĉefa fontrivero | Meza Opava |
- situo | Praděd |
- koordinatoj | 50° 07′ 32″ N 17° 22′ 46″ O / 50.12556 °N, 17.37944 °O (mapo) |
Apuda fontrivero | Nigra Opava |
- situo | Orlík |
Kunfluejo de fontriveroj | Vrbno pod Pradědem |
- alteco | 529 m |
Enfluejo | Odro |
- situo | Ostrava-Poruba |
- alteco | 207 m |
- koordinatoj | 49° 50′ 01″ N 18° 13′ 13″ O / 49.83361 °N, 18.22028 °O (mapo) |
Suma longo | 110,7 km (69 mi) |
- Longo sur ŝtatlimo | 25 km (16 mi) |
Suma akvokolektejo | 2 089,0 km² (208 900 ha) |
Trafluo | Děhylov |
- mezproksima | 17,6 m��/s |
Hidrologia vico | 2-02-01-001 |
Situo de enfluejo enkadre de Ĉeĥio
| |
Situo de enfluejo enkadre de Moraviasilezia regiono
| |
![]() | |
![]() | |
Paso de la fluo
redaktiEl Vrbno la rivero fluas al sudoriento tra riverbaseno, kiu post inundo en la jaro 1997 ricevis proksiman karakteron al la naturo - ĝi estas kreata per multnombraj meandroj, gruzterasoj kaj insuletoj. En Nové Heřminovy ĝi turniĝas al nordoriento, kaj tiun ĉi direkton ĝi tenas ĝis Krnov. La tuta sektoro de Vrbno pod Pradědem ĝis Krnov havas montaran karakteron, la rivero fluas tra profundaj valoj, en kiu ĝi kreas multnombrajn riverajn sojlojn. Sub Krnov la valo malfermiĝas kaj la rivero fluas jam tra malaltebenaĵo proksimume tra sudorienta direkto ĝis enfluejo kun Odro en Ostrava-Svinov. Inter Opava (Troppau) kaj Ostrava (Ostrau) la rivero kreas kelke da meandraj sektoroj kun gruzaj benkoj, altaj argilaj bordoj kun nestoj de bordhirundoj, aperas ankaŭ griza ardeo kaj alciono. Oftaj falintaj arboj, senelirejaj fluoj. Inter Jilešovice kaj Děhylov la rivero estis mallongigita per reguligoj je 2,5 km en konekso kun minado de gruzosablo - kies sekvo estas estiĝo de la t.n. Hluĉina lago. La rivero tiel tute evitas al urbo Hlučín. Inter Opava kaj Kravaře estas parto de akvo forkondukata per Mlýnská strouha, inter Háj ve Slezsku kaj Dolní Benešov la maldekstraj alfluantoj de Opava plenigas komune kun rivereto Štěpánka fiŝlagojn en Dolní Benešov.
Urboj
redaktiLa plej granda urbo sur Opava estas Ostrava. De komenco de la fluo la rivero trafluas tra aŭ preter urboj: Vrbno pod Pradědem, Krnov, Opava, Kravaře, Dolní Benešov, Hlučín kaj Ostrava.
Pli grandaj alfluantoj
redakti- maldekstraj – Kobylí potok, Kamenný potok, Jelení potok, Krasovka, Opavice, Trmantický potok (Thirmický potok[1], Potok Ciermięcicki), Pilšťský potok (Ostra), Štěpánka
- dekstraj – Uhlířský potok, Skrbovický potok, Popel, Oborenský potok, Milotický potok, Zátoráček, Mlýnský potok, Hájnický potok, Černý potok, Čižina, Hořina, Velká, Lipinka, Heraltický potok, Moravice, Strouha, Sedlinka, Ohrozima, Hrabyňka, Děhylovský potok.
Akva reĝimo
redaktiĈar la rivero deakvigas la plej altajn situojn de Jeseníky, Opava havadas sufiĉon de akvo preskaŭ dum la tuta jaro. La plej altajn trafluojn ĝi atingas fine de printempo kaj la malplej altajn fine de somero. Inundoj sur Moravo kan Odro sur multaj lokoj ŝanĝis pason de la fluo de la rivero kaj kelkaj sektoroj estis lasita al la naturo proksima stato.
Anoncaj profiloj:
loko | rivera km | grandeco de akvokolektejo | mezproksima trafluo | centjara akvo |
---|---|---|---|---|
Karlovice | 107,60 | 151,37 km² | 2,51 m³/s | 160 m³/s |
Krnov | 72,60 | 370,68 km² | 4,33 m³/s | 225 m³/s |
Opava | 37,60 | 929,69 km² | 7,59 m³/s | 388 m³/s |
Děhylov | 7,40 | 2038,80 km² | 17,6 m³/s | 576 m³/s |
Eluzo
redaktiAkva turismo
redaktiLa rivero apartenas inter eluzataj fluoj de akvaj turistoj. La sektoro Vrbno-Krnov atingas malfacilecon WWI-WWII, sub Krnov jam nur ZWC-WWI.
Akvaj laboraĵoj
redaktiEn regiono de Nové Heřminovy oni konsideras pri konstruo de valbaraĵo, kiu devus mildigi la pason de inundoj. La 21-an de aprilo 2008 registaro decidis pri konstruo de valbaraĵo, pro kiu devas esti inundigita parto de Nové Heřminovy, la trafitaj domoj devas esti eksproprumigitaj. En la municipo validas longdaŭra konstrua fermigo.[2]
Ligiloj
redaktiReferencoj
redakti- ↑ Mapy Krnova byly s chybami, URL: http://bruntalsky.denik.cz/zpravy_region/mapy-krnova-byly-s-chybami-20081024.html
- ↑ Petr Broulík: Mi esperas, ke mi estos mortinta, antaŭ ol ili inundigos mian domon, MF Dnes, 22. 4. 2008, str. A2
Literaturo
redakti- Geografický místopisný slovník světa. Praha: Academia, 1993. ISBN 80-200-0445-9.
- Kilometráž českých a moravských řek. Zlín: SHOCart, 1998. ISBN 80-7224-065-X.