De la turisma vidpunkto, eblas dividi Grekion en 4 regionojn, kun la aldono de multegaj insuloj.

Plej grandaj urboj:

• Ateno
• Lariso
• Patraso
• Tesaloniko

Malgrandaj urboj kun turismaj aĵoj:

• Ĥanio (en Kreto)
• Korinto
• Tebo

Gravaj insuletoj (ofte la ĉefurbo estas samnoma):

• en la Egea Maro:
  • Deloso
  • Ĥio
  • Mikonoso
  • Mitileno aŭ Lesbo
  • Naksoso
  • Rodoso
  • Samoso
  • Santorino
• en la Ionia Maro:
  • Itako
  • Kefalonio
  • Korfuo
  • Zakinto

Vizitantoj estas tirataj al la strandoj de la lando kaj fidinda sunplena somera vetero, ĝia nokta vivo, historiaj ejoj kaj natura beleco. En 2007, Grekio ricevis 17 milionojn da vizitantoj, grandan nombron por malgranda lando de 11 milionoj.

Ekde la 26-a de marto 2000 (sen Athos) en la ŝtato validas la Traktato de Schengen. Tiel forfalas la limkontroloj ene de la Eŭropa Unio kaj civitanoj de la unio por vojaĝo al Grekio bezonas nur personan legitimilon, nek pasporton nek vizon.

En Grekio estas multaj flughavenoj, pro la granda kvanto de insuloj. Tamen, la plimulto de la komercaj flugoj okazas nur somere.

La plej grava flughaveno en Grekio estas kompreneble en Ateno: la internacia flughaveno Eleftherios Venizelos, IATA-kodo ATH, retejo www.aia.gr, komerce kunligata kun multaj urboj en Grekio, en Eŭropo / Mediteraneo kaj en la tuta mondo.

Aliaj internaciaj flughavenoj, kutime kunligataj nur kun urboj en Eŭropo aŭ ĉirkaŭ la Mediteraneo, estas en norda Grekio (Tesaloniko, Aleksandropolo, Kavalo), en Peloponezo (Kalamata), en la insulo Kreto (Iraklio, Ĥanio), en pluraj egeaj insuloj (Rodoso, Koo, Lesbo, Samoso ktp) kaj en la plej grandaj ioniaj insuloj (Korfuo, Zakinto, Kefalonio). Aliaj insuloj enhavas naciajn flughavenojn, atingeblajn fluge almenaŭ de Ateno.

• Grekio ĉe Vikipedio