Barricada
Barricada 1982an Iruñeko Txantrea auzoan sortutako rock musikako talde bat izan zen. Euskal Rock Erradikalaren mugimenduan sartuta, Hertzainak eta La Polla Records taldeekin kontzertu andana eman zituzten. Denborarekin, rock urbano mugimenduaren barruan sailkatu ziren[1]. Estudioko 15 album eta mila kontzertu baino gehiagoren ostean, rock-aren inguruan gehien nabarmendutako euskal taldeen artean dago, euren ibilbidean zehar milioi bat diskotik gora saltzearen ondorioz diamante-diskoa lortu zutelarik.
Barricada | |
---|---|
![]() El Drogas | |
Datuak | |
Jatorria | Iruñea |
Musika mota | Rock |
Urteak | 1982 - 2013 |
Produkzioa | |
Diskoetxea(k) | Soñua 1983-1985; BMG Arriola 1986; Polygram 1987-1997; Dro East West 2000-2012; |
Taldekideak | |
Enrique Villareal Javier Hernández Alfredo Piedrafita Ibon Sagarra | |
Informazio gehigarria | |
barricada.com.es | |
![]() ![]() ![]() ![]() ![]() ![]() ![]() ![]() ![]() ![]() |
Historia
aldatuJatorrizko osakideak honako hauek izan ziren: Enrique Villarreal Armendaritz (El Drogas), ahots eta baxua; Jose Landa, bateria; Sergio Oses Pagola, bigarren gitarra; (hirurak Kafarnaún taldetik etorriak) eta Javier Hernández Larrea (Boni), ahotsa eta gitarra. Lehen diskoa, Noche de rock&roll, grabatzerakoan Mikel Astrain Antxorena bateria-jotzaileak bat egin zuen. Horren ostean, Sergiok soldaduska egin behar zuenez gero, Alfredo Piedrafita Gomezek ordezkatu zuen[2].
1984an, Mikel Astrain hil zen. Fernando Coronado Olarte sartu zen taldean, bateria-jotzailetzat. Mikelen omenezkoa izan zen bigarren diskoa, Barrio conflictivo, eta batik bat Pon esa música de nuevo kanta.
Hirugarren diskoa (No hay tregua) grabatzean, 1986an, Barricadak RCA diskoetxearekin sinatu zuen. Bien arteko desadostasunen ondorioz, ordea, diskoa argitaratutakoan bertan behera utzi zuten kontratua. 1987an, Polygram Iberia diskoetxearekin bat eginda, No sé que hacer contigo laugarren albuma plazaratu zuten. Hala ere, diskoetxe berriak Bahía de Pasaia kanta zentsuratu zuen, Komando Autonomo Antikapitalistetako lau kideren hilketa oroitzen baitzuen. Horietako bat El Drogasen Txantreako laguna zen. 1989ko Pasión por el ruido diskoko En nombre de Dios kanta ere zentsuratu zen, Opus Deirekin oso kritikoa baitzen.
1988an kaleratutako Rojo diskoarekin taldeak goia jo zuen. Urrezko diskoa jaso zuten arren, lehenengo tentsioak nabaritu ziren taldearen barruan. El Drogasek metal alternatiboa entzuten zuen garai hartan. Zarataren bila, La araña izeneko diskoa kaleratu zuten, inork oso ongi ulertu ez zuen diskoa. Horren ostean, taldeko hiru kidek hiruna disko atera zuten, nork bere aldetik. Alfredo Piedrafitak ez zuen taldea urtero bira bat egiteko moduan ikusten, beti gauza bera jotzen aspertuta baitzeuden. Entseguak gero eta urriagoak izaten ziren, eta urtebete eman ondoren plazaratutako disko akustikoa porrota izan zen.
Polygram Iberiarekiko kontratua 2000n amaitu zen. DRO diskoetxe independentearekin sinatu zuten orduan, Bésame diskoa kaleratzeko. Horren ostean, Fernando Coronadok taldea utzi zuen. Ibon Sagarna Urbano 'Ibi'-k, In Vitro taldeko Piedrafitaren kide ohiak, ordezkatu zuen. Nolabait, bigarren Urrezko Garaia ezagutzen hasi zen taldea.
2006ko ekainean, zuzeneko disko bikoitza atera zuten. Iruñeko Anaitasuna pabiloian eta Gaiarre antzokian grabatua, saxo, teklatua eta harmonika dituzte lagun.
Juanma Bajo Ulloa zinema zuzendariak taldearen hainbat bideo zuzendu ditu. Honen Airbag filmean estra moduan agertu ziren Barricadako kideak.
2011ko abenduaren 2an Drogasek Txarrena taldearen webgunean Barricada taldea uzteko erabakia jakinarazi zuen.[3] Biharamunean Boni, Alfredo eta Ibik komunikatu baten bidez taldearen jarraipena ziurtatu zuten. Baxu-jotzaile lanetan Ander Izeta (Estigia, Nork?, Eraso!) aritu zen ordutik taldean.
2013ko urriaren 1ean, Javier Hernandez Boni-k proiektu pertsonalago batean murgiltzeko asmoz taldetik alde egitea erabaki zuen eta jarraian, Alfredo Piedrafitak Iruñeko Anaitasuna pabiloian urte bereko azaroaren 23an emango zen kontzertuaren ostean taldea desegingo zela adierazi zuen.
Taldekideak
aldatu1982 | 1983 | 1984 | 1986 | 1988 | 1990 | 1992 | 1994 | 1996 | 1998 | 2000 | 2002 | 2004 | 2006 | 2008 | 2010 | 2011 | 2012 | |||
Gitarra eta ahotsa | Javier Hernández, Boni (†) | |||||||||||||||||||
Gitarra eta ahotsa | Sergi Oses | Alfredo Piedrafita | ||||||||||||||||||
Baxua eta ahotsa | Enrique Villarreal, El Drogas | Ander Izeta | ||||||||||||||||||
Bateria | Mikel Astrain (†) | Fernando Coronado | Ibon Sagarna, Ibi |
Diskoak
aldatuEstudiokoak
aldatu- Noche de rock&roll, 1983
- Barrio conflictivo, 1985
- No hay tregua, 1986
- No sé qué hacer contigo, 1987
- Rojo, 1988
- Pasión por el ruido, 1989
- Por instinto, 1991 (Platinozko diskoa)
- Balas blancas, 1992 (Platinozko diskoa)
- La araña, 1994 (Urrezko diskoa)
- Insolencia, 1996
- Acción directa, 2000
- Bésame, 2002
- Hombre mate hombre, 2004
- La tierra está sorda, (CD + Liburua), 2009 (Urrezko diskoa)
- Flechas Cardinales, 2012
Zuzenekoak
aldatu- Barricada - doble directo -, 1990 (Urrezko diskoa)
- Salud y rocanrol, 1997
- Latidos y mordiscos, 2006
- Otra noche sin dormir (CD + 2 DVD), Aurora Beltrán eta Rosendorekin, 2008 (Urrezko diskoa)
- En la memoria, (CD + DVD), 2010
- Agur, 2014
Bildumak
aldatu- Barricada 83-85, 1990
- Los singles, 1995
- 25 años de rocanrol, (2 CD + 2 DVD), 2008
- Lo mejor de Barricada, 2013
Omenaldiak
aldatu- Un camino de piedras, 2003
Erreferentziak
aldatu- Alberto Barandiaran: "Milioi bat disko" in 2007ko martxoaren 30eko Berria, 42-43 or.
- ↑ «Marea llega a Santander fiel a su rock urbano heredado de Leño y Barricada - ABC.es - Noticias Agencias» web.archive.org 2015-05-22 (Noiz kontsultatua: 2021-12-28).
- ↑ «Una historia de rocanrol. Diario de Noticias de Navarra» web.archive.org 2015-05-13 (Noiz kontsultatua: 2021-12-28).
- ↑ Enrique Villarrealek Barricada utzi du
Kanpo estekak
aldatu- (Gaztelaniaz) Webgune ofiziala
- El Drogasi elkarrizketa, Argia.