Cantigas de Santa Maria
Cantigas de Santa Maria (euskaraz: «Santa Mariari Kantak») Ama Birjinari eskainitako kanta-multzoa da, galaikoportugesez idatzia. 420 kanta dira, eta Gaztelako errege Alfontso X.a Jakintsuak bildu zituela uste da. Lau kodizetan gordetzen dira (El Escorialen, Toledon eta Florentzian). Musika-notazioa dute, eta XIII. mendeko ohiturak azaltzen dituzten miniaturez apainduta daude. Erdi Aroko musika-bilduma garrantzitsua da, balio handikoa baita Europako musikaren sorreran Sortaldeak izan zuen eragina ezagutzeko.
| Cantigas de Santa Maria | |
|---|---|
 | |
| Jatorria | |
| Jatorrizko herrialdea | Gaztelako Koroa |
| Ezaugarriak | |
| Genero artistikoa | Kantika |
| Hizkuntza | galiziera |
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.