Meteoro (astronomia)
Meteoroa —hizkera arruntean izar iheskorra, izarloka edo izar uxoa izenez ezaguna— meteoroide, mikrometeroide, kometa edo asteroide batek Lurraren atmosfera zeharkatzen sortzen duen distira da. Distira handi-handiko meteoroei bolido deritze. Meteoroa sorrarazi duen gorputza atmosferan guztiz suntsitu ez delako lurrazalera iristen bada, meteorito bilakatzen da.
![](http://178.128.105.246/cars-http-upload.wikimedia.org/wikipedia/commons/thumb/a/a7/Leonid_Meteor.jpg/200px-Leonid_Meteor.jpg)
![](http://178.128.105.246/cars-http-upload.wikimedia.org/wikipedia/commons/thumb/6/63/Meteoroid_meteor_meteorite.gif/220px-Meteoroid_meteor_meteorite.gif)
Gau oskarbi batean, zerura arretaz behatzen bada, arrunta da han eta hemen meteoroak ikustea. Multzoka gertatzen dira zenbaitetan, meteoro zaparradak eratuz, Lurrak kometa batek utzitako partikula-arrastoa zeharkatzen duenean, eta orduan zeruan puntu bertsuan izaten dute jatorri. Esaterako, abuztuaren 12aren inguruan Perseidak izeneko meteoroak heltzen dira, eta abenduaren 13aren inguruan Geminidak.