Miguel Trovoada
Miguel dos Anjos da Cunha Lisboa Trovoada (Sao Tome, 1936ko abenduaren 27a) saotometar politikari eta legelaria da. Sao Tome eta Principeko lehendakaria izan zen 1991-2001 urte-bitartean.
Miguel Trovoada | |||||||
---|---|---|---|---|---|---|---|
![]() (1995) | |||||||
1995eko abuztuaren 21a - 2001eko irailaren 3a ← Manuel Quintas de Almeida - Fradique de Menezes (en) ![]()
1991ko apirilaren 3a - 1995eko abuztuaren 15a ← Leonel Mário d'Alva (en) ![]()
| |||||||
Bizitza | |||||||
Jaiotza | Sao Tome, 1936ko abenduaren 27a (87 urte) | ||||||
Herrialdea | ![]() | ||||||
Familia | |||||||
Seme-alabak | ikusi
| ||||||
Hezkuntza | |||||||
Heziketa | Lisboako Unibertsitatea | ||||||
Jarduerak | |||||||
Jarduerak | diplomazialaria eta politikaria | ||||||
Lantokia(k) | Casa dos Estudantes do Império (en) ![]() | ||||||
Jasotako sariak | |||||||
Sinesmenak eta ideologia | |||||||
Alderdi politikoa | ![]() ![]() |
Biografia
aldatuSao Tome Portugalen mendean izan zen garaian, erregimenaren esetsaldia pairatu zuen burujabetzaren alde egiteagatik. 1972an Sao Tome eta Principeren Askapenerako Mugimendua sortu zuen, Manuel Pinto da Costarekin batera. 1975ean, Sao Tomek burujabetza lortu zuenean, Da Costak hainbat kargu eman zizkion: lehen ministro, Defentsako eta Kanpo Arazoetako ministro, Ekonomiako eta Turismoko ministro (1975-1978), eta Merkataritzako, Industriako eta Arrantzako ministro (1978-1979). 1979an, atxilo hartu eta kartzelan sartu zuten, Da Costaren aurka estatu-kolpea egiten saiatzeaz akusaturik. Babes politikoa eskatu zuen Portugalen, baina ez zioten eman, eta Nazio Batuen egoitzan babestu zen, Sao Tomeko hiriburuan. Gudarosteak Nazio Batuen egoitzan bertan atxilotu zuen. 1981. urtea arte izan zen kartzelan, eta 1991. urtea arte, Sao Tomeko lehenengo hauteskunde demokratikoak egin ziren arte, ez zuen berriro kargu politikorik izan. Hautagai independente gisa aurkeztu zuen bere burua hauteskundeetara, eta berak irabazi zituen, bere lehiakideak erretiratu egin zirelako, Trovoadak iruzur egin zuelakoan.
1994an, Sao Tomeko krisi politiko eta ekonomiko larria zela eta, Trovoadak gobernu osoa kargua uztera behartu zuen, Parlamentua desegin zuen eta legegintzarako hauteskundeak deitu zituen. Bien bitartean beste gobernu bat eratu zuen, oposizioko alderdiek antidemokratikotzat jo zutena. Hauteskundeetan, Alderdi Sozialdemokrata atera zen garaile. Alderdi horrek beste lehen ministro bat izendatu zuen, eta presidentearekiko harreman gaiztoak (Trovoadak beste alderdi baten alde egin baitzuen hauteskundeetan) krisi sakona ireki zuen buruzagi politikoen artean. Horrek, eta militarren eta polizien arteko arazoek, langabeziak, eta prezioen gorakadak estatu-kolpea ematera bultzatu zituen militar gazte batzuk 1995eko abuztuan. Presidentea armadaren kuartel nagusiko espetxean eduki zuten, harik eta handik egun gutxira ordena konstituzionala berriro ezartzea onartu zuten arte, Trovoada presidente zela, kolpe militarraren egileak aske uzteko baldintzarekin.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.