Ornitologia
Ornitologia (grezierazko ὄρνις - ὄρνιθος —"ornis - ornithos", "hegazti"— eta λόγος —"logos", "zientzia"— hitzen lotunea) hegaztiez arduratzen den zoologiaren adarra da[1]. Zoologiaren beste adarrak ez bezala eta, batez ere, hegaztien ikusgarritasuna dela eta, oso zientzia landua da[2]. Egoera metodologia zientifikoa erabiltzen duten zaletuen lanaren ondorioa da.
![](http://178.128.105.246/cars-http-upload.wikimedia.org/wikipedia/commons/thumb/8/87/Ringing_05_Determining_characteristics.jpg/250px-Ringing_05_Determining_characteristics.jpg)
Oso zientzia zaharra da eta, hari esker, eboluzio, portaera eta ekologiaren hainbat kontzeptu nabarmen ulertu ditugu, adibidez: espeziazio prozedurak, sena, ikaskuntza, txoko ekologikoa, biogeografia; filogeografia edo kontserbazioa[3]. Ornitologoek tresna eta teknika asko erabiltzen dituztenez, gaur egun berrikuntza ugariko zientzia da[4].
Mundu zabalean, hainbat elkartek dute helburutzat ornitologia lantzea eta hegaztiak babestea. Elkarteen federazio handi bat ere badago, BirdLife International.
Euskal Herriari dagokionez, Itsas Enara Ornitologia Elkartea, Aranzadi Zientzia Elkartea, Euskal Batzorde Ornitologikoa, Saiak elkartea, Lanius Ornitologia Elkartea, Gorosti Natur Zientzia Elkartea eta Arabako Natur Institutua dira ezagunenak.
Erreferentziak
aldatu- ↑ Harluxet Hiztegi Entziklopedikoa. Ornitologia. .
- ↑ Newton, Ian. (1998). Population limitation in birds. Academic Press, 2 or. ISBN 0-12-517366-0..
- ↑ Mayr, E.. (1984). «Commentary: The Contributions of Ornithology to Biology» BioScience 34 (4): 250–255. doi: ..
- ↑ Sutherland, W. J.; Newton, Ian; Green, Rhys. (2004). Bird ecology and conservation : a handbook of techniques. Oxford: Oxford University Press ISBN 0198520867..
Kanpo estekak
aldatu
Artikulu hau biologiari buruzko zirriborroa da. Wikipedia lagun dezakezu edukia osatuz. |