Stade Toulousain
Stade Toulousain Frantziako errugbi taldea da, egoitza Okzitaniako Tolosa hirian duena. Top 14 Ligan parte hartzen du. Europako talderik indartsuenetako bat da, bai Frantziako txapelketan (21 titulu), bai Europako Txapeldunen Kopan (5 titulu) garaipen gehien lortu dituena.
Ezizena(k) | La Vierge rouge ("Birjina gorria") | ||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Hiria | Tolosa (Okzitania) | ||||||||||||||||||||||||||||||||
Sorrera | 1907 | ||||||||||||||||||||||||||||||||
Kirol zelaia | Stade Ernest-Wallon (Edukiera: 19.000) | ||||||||||||||||||||||||||||||||
Presidentea | ![]() | ||||||||||||||||||||||||||||||||
Entrenatzailea | ![]() | ||||||||||||||||||||||||||||||||
Liga | ![]() | ||||||||||||||||||||||||||||||||
2023-24 | 1.a | ||||||||||||||||||||||||||||||||
Webgunea | www.stadetoulousain.fr | ||||||||||||||||||||||||||||||||
|
Historia
aldatuXIX. mendearen iritsi zen errugbia Tolosa Okzitaniara, eta 1890eko hamarkadan unibertsitateko taldeak sortu ziren. Stade olympien des étudiants toulousains-ek, hiriko talde nagusiak, Frantziako errugbi txapelketaren finala jokatu zuen 1903an, Stade françaisen kontra; paristarrak 8 eta 16 nagusitu ziren.[1]
Stade Toulousain 1907an eratu zen, Stade olympien des étudiants toulousains eta Véto-Sport toulousain batu zirelarik. Urte berean, "Les Amis du Stade Toulousain" elkarteak zazpi hektareako lur eremua erosi zuen lehenbiziko errugbi zelaia eraikitzeko: Stade des Ponts-Jumeaux.[2]
1912an, Frantziako txapelketa irabazi zuen, finalean Racing Club de France Rugby 6 eta 8 garaiturik; denboraldi osoan partida bakar bat ere galdu ez zuenez, La Vierge rouge ("Birjina gorria") izengoitia jaso zuen.[2] 1914-1918 bitartean, Stade Toulousaineko jokalari asko borrokatu ziren Lehen Mundu Gerran, eta 80 baino gehiago hil ziren Verdungo, Sommeko edota Marneko gudu-zelaietan.[3]
1920ko hamarkadan, Frantziako talde nagusia izan zen, eta bost liga irabazi zituen 1922tik 1927ra. Besteak beste, Struxiano, Lubin-Lebrère eta Adolphe Jauregi baxenabartarra izan ziren talde mitiko hartako kideak.[2] Bigarren Mundu Gerraren ondoren liga bat eta bi kopa lortu zituen, baina hurrengo hamarkadetan maila apalagoan ibili zen, eta 1969ko ligako bigarren postua izan zen emaitzarik aipagarriena.[2]
1982an, Ernest-Wallon estadio berria inauguratu zen. 1984an, Frantziako hirugarren kopa lortu zuen, taldearen "urrezko aroari" hasiera eman ziona. 1996an, Europako Txapeldunen Kopa eratu zen, eta Stade Toulousain izan zen lehenbiziko txapelduna; hurrengo urteetan beste lau aldiz irabazi zuen kopa: 2003an, 2005ean, 2010ean eta 2021ean.[4]
Palmaresa
aldatu- Europako Txapeldunen Kopa
- Txapelduna (6): 1996, 2003, 2005, 2010, 2021, 2024
- Finalista (2): 2004, 2008.
- Top 14 Liga
- Txapelduna (23): 1912, 1922, 1923, 1924, 1926, 1927, 1947, 1985, 1986, 1989, 1994, 1995, 1996, 1997, 1999, 2001, 2008, 2011, 2012, 2019, 2021, 2023, 2024
- Bigarrena (8): 1903, 1909, 1921, 1969, 1980, 1991, 2003, 2006.
- Yves du Manoir Kopa/Frantziako Errugbi Kopa
- Txapelduna (8): 1934, 1946, 1947, 1984, 1988, 1993, 1995, 1998.
- Finalista (4): 1949, 1971, 1984, 1985.
- Kluben munduko errugbi txapelketa
- Txapelduna (1): 1986.
Jokalari enblematikoak
aldatuJokalaria | Herrialdea | Denboraldiak | Aldia | Postua | Partidak | Partidak selekzioarekin (puntuak) |
Tituluak Stade Toulousainekin |
---|---|---|---|---|---|---|---|
Claude Portolan | FRA | 15 | 1981-1996 | Harroina | 358 | 3 | 6 aldiz Frantziako txapelketa (1985, 1986, 1989, 1994, 1995 eta 1996) Europako Txapeldunen Kopa (1996) |
Serge Gabernet | FRA | 14 | 1974-1986 | Atzelaria | 317 | 14 (48) | 2 aldiz Frantziako txapelketa (1985, 1986) |
Jean-Claude Skrela | FRA | 13 | 1970-1983 | Hirugarren lerroko hegala | 276 | 46 | Frantziako txapelketaren finala (1980) |
Jean Bouilhou | FRA | 12 | 2001-2013 | Hirugarren lerroko hegala | 392 | 2 | 4 aldiz Frantziako txapelketa (2001, 2008, 2011, 2012) 3 aldiz Europako Txapeldunen Kopa (2003, 2005, 2010) |
Albert Cigagna | FRA | 12 | 1983-1995 | Hirugarren lerroko erdikoa | 333 | 1 | 5 aldiz Frantziako txapelketa (1985, 1986, 1989, 1994 eta 1995) |
Émile Ntamack | FRA | 17 | 1988-2005 | Erdikoa | 368 | 46 (135) | 6 aldiz Frantziako txapelketa (1994, 1995, 1996, 1997, 1999 eta 2001) 3 aldiz Europako Txapeldunen Kopa (1996, 2003 et 2005) |
Yannick Jauzion | FRA | 11 | 2002-2013 | Erdikoa | 300 | 73 (103) | 3 aldiz Frantziako txapelketa (2008, 2011, 2012) 3 aldiz Europako Txapeldunen Kopa (2003, 2005, 2010) |
Gérard Portolan | FRA | 11 | 1981-1992 | Harroina | 239 | 0 | 3 aldiz Frantziako txapelketa (1985, 1986 eta 1989) |
Gérald Martinez | FRA | 11 | 1973-1984 | Uztartze-erdilaria | 211 | 7 | Frantziako txapelketaren finala (1980) |
Pierre Villepreux | FRA | 10 | 1965-1975 1977-1978 |
Atzelaria | 149 | 34 (168) | Frantziako txapelketaren finala (1969) |
Jean-Pierre Rives | FRA | 7 | 1974-1981 | Hirugarren lerroko hegala | 137 | 59 | Frantziako txapelketaren finala (1980) |
Clément Poitrenaud | FRA | 16 | 2000-2016 | Atzelaria | 352 | 47 (35) | 4 aldiz Frantziako txapelketa (2001, 2008, 2011 eta 2012) 3 aldiz Europako Txapeldunen Kopa (2003, 2005 et 2010) |
Vincent Clerc | FRA | 14 | 2002-2016 | Hegalekoa | 326 | 67 (170) | 3 aldiz Frantziako txapelketa (2008, 2011 eta 2012) 3 aldiz Europako Txapeldunen Kopa (2003, 2005 et 2010) |
Thierry Dusautoir | FRA | 10 | 2006-2016 | Hirugarren lerroko hegala | 225 | 80 | 3 aldiz Frantziako txapelketa (2008, 2011 eta 2012) Behin Europako Txapeldunen Kopa (2010) |
Erreferentziak
aldatu- ↑ Prairie des Filtres, Toulouse, 26 avril 1903. Ligue Nationale de Rugby, archive.wikiwix.com (Noiz kontsultatua: 2022-10-30).
- ↑ a b c d Stade Toulousain: histoire. archives.stadetoulousain.fr (Noiz kontsultatua: 2022-10-30).
- ↑ Pallas, Pascal. Les Toulousains dans la Grande Guerre: le lourd tribut du Stade Toulousain. actu.fr (Noiz kontsultatua: 2022-10-30).
- ↑ Le Stade Toulousain champion d'Europe pour la 5e fois après sa victoire en finale contre La Rochelle (22-17). ladepeche.fr (Noiz kontsultatua: 2022-10-30).
Kanpo estekak
aldatu- Stade Toulousain taldeko webgune ofiziala (Frantsesez)
- Parisko Stade Toulousain taldeko zaletuen webgunea (Frantsesez)