Joe Biden
![]() |
Joseph Robinette „Joe“ Biden, Jr. (Ütjspriik: [ˈd͡ʒəʊzəf ˌrɒbᵻˈnɛt ˈbaɪdən]; * 20. Nofember 1942 uun Scranton, Pennsylvania) as en US-ameerikoons poliitiker an sant a 20. Janewoore 2021 de 46. president faan dön Ferianigt Stooten. Uun dön US-Presidentenwool 2020 as hi för fjauer juar weelet wurden. Hi as faan det Demokraatisk Partei.
![](http://178.128.105.246/cars-http-upload.wikimedia.org/wikipedia/commons/thumb/6/60/Joe_Biden_February_2020_crop.jpg/220px-Joe_Biden_February_2020_crop.jpg)
![Joe Biden sin Onerskraft](http://178.128.105.246/cars-http-upload.wikimedia.org/wikipedia/commons/thumb/9/9c/Joe_Biden_signature.svg/220px-Joe_Biden_signature.svg.png)
Faan 1973 tu 2009 wiar hi fertreeder faan det bundesstoot Delaware uun a Senaat faan dön Ferianigt Stooten. Faan 2009 tu 2017 wiar hi uun Barack Obama sin presidentskap de 47. US-vize-präsident. Hi wurd de 18. August 2020 a kandidaat för det Demokraatisk Partei uun det US-Presidentenwool 2020.
Hi seed föl juaren uun det Senate Foreign Relations Committee. Hi wiar 1991 jin a Golfkrich, man wiar diarför, dat lunen uun a uast faan Euroopa lasmooten faan NATO wurd. 2002 saad hi jä tu't resolutschuun tu de Irak-Krich, man naan diartu, dat at taal faan US-saldooten 2007 uun Irak tunimen wurd skul. Hi wiar faan 1987 tu 1995 uk föörstmaan faan det Senate Judiciary Committee.
Hi ferschükt 1988 an 2008, man saner lok, a kandidaat faan det Demokraatisk Partei för't presidentskap tu wurden. 23. August 2008 neemd Barack Obama Biden tu a kandidaat för't vize-presidentskap. Hi wurd vize-president, efter dat Obama a 4. Nofember 2008 a presidentenwool woon.
Luke uk diar
Bewerke- Presidenten faan dön Ferianigt Stooten (2001-): George W. Bush (2001-2009), Barack Obama (2009-2017), Donald Trump (2017-2021), Joe Biden (2021-).
- Vize-presidenten faan dön Ferianigt Stooten sant 2001: Dick Cheney (2001-2009), Joe Biden (2009-2017), Mike Pence (2017-2021), Kamala Harris (2021-).
Föörgunger | Amt | Efterfulger |
---|---|---|
Donald Trump | President faan dön Ferianigt Stooten 2021- | |
Dick Cheney | Vize-President faan dön Ferianigt Stooten 2009-2017 | Mike Pence |