Alfard
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2018.) |
Alfard ou Alphard (α Hya / α Hydrae / 30 Hya) é a estrela máis importante da constelación de Hydra con magnitude aparente +1,99. O seu nome provén da árabe فرد|الفرد (Al Fard), "a solitaria", describindo apropiadamente a súa posición nunha rexión bastante baleira ó suroeste de Régulo (α Leonis). Outro nome que recibe a estrela, este proveniente do latín, é Cor Hydrae, pola súa situación onde ficaría o corazón do monstro.
![](http://178.128.105.246/cars-http-upload.wikimedia.org/wikipedia/commons/thumb/e/ee/Hydra_constellation_map.png/300px-Hydra_constellation_map.png)
Alfard é unha estrela xigante laranxa de tipo espectral K3 II-III de 4000 K de temperatura, non moi diferente a Arcturus (α Bootis) ou Aldebarán (α Tauri). Máis luminosa que ambas -cunha luminosidade visual 400 veces maior que a do Sol- é considerada unha xigante brillante. Porén, a maior distancia que nos separa dela, 177 anos luz, fai que no ceo pareza menos brillante que estas. O seu radio é 40 veces maior que o radio solar.
Alfard está considerada unha estrela de bario "leve"; pénsase que estas estrelas son binarias onde o exceso de bario provén da compoñente secundaria que no pasado contaminou á que hoxe é a estrela visíbel. A estrela contaminante, que evolucionou antes, hoxe �� unha anana branca difícil de detectar.
Véxase tamén
editarLigazóns externas
editar- Alphard (Jim Kaler, Stars) (en inglés)