Radiotelevisió Valenciana
A Radiotelevisió Valenciana foi unha empresa pública de radiodifusión da Generalitat Valenciana encargado da emisión da televisión e radio públicas da Comunidade Valenciana.
![](http://178.128.105.246/cars-http-upload.wikimedia.org/wikipedia/commons/thumb/d/da/RTVV.jpg/220px-RTVV.jpg)
O 5 de novembro de 2013, o goberno valenciano anunciou o seu peche, alegando non poder asumir a readmisión de máis de mil empregados despedidos nun expediente de regulación de emprego ilegal. A lei foi aprobada o 27 de novembro coa maioría absoluta do goberno popular de Alberto Fabra.
Historia
editarA Lei de Creación da Radiotelevisión Valenciana é aprobada polas Cortes Valencianas o 4 de xullo de 1984, e en marzo de 1988 constitúese o Consello de Administración, sendo o nomeamento un mes despois do primeiro Director Xeral do Ente RTVV, polo Consell da Generalitat Valenciana.
O artigo 11, c) da Lei 7/1984 da Generalitat Valenciana do 4 de xullo, pola que se crea RTVV, establece a regulación interna a través da Normativa desenvolvida pola Dirección Xeral.
A Lei de Creación establece a xestión dos servizos de Radio e Televisión a través de dúas empresas públicas en forma de sociedades anónimas, Televisión Autonómica Valenciana S.A. e Radio Autonomía S.A.
A pesar de ser dúas sociedades distintas dependen do mesmo organismo sendo este o ente RTVV, o capital é exclusivamente achegado pola Generalitat Valenciana, de acordo con dita lei.
Televisión Valenciana TVV
editar(Televisión Autonómica Valenciana S.A.)
Iniciou as emisións de probas o 2 de setembro de 1989 da man de Xelo Miralles, e as regulares o 9 de outubro do mesmo ano con Diego Braguinsky en pantalla.
- Canal Nou é a primeira canle da televisión pública da Comunidade Valenciana e ten sede en Burjassot.
O logotipo primitivo de Canal Nou estaba inspirado nos antigos micrófonos de radio; pero en outubro de 2005 foi redeseñado, canda el o de Canal Nou Dos (segunda canle de televisión de Radiotelevisión Valenciana) e o do resto de medios de RTVV.
- Canal Nou Dos é a segunda canle da televisión valenciana. A súa programación baséase principalmente en contidos de produción propia e maiormente en valenciano.
- Canal Nou 24 (Canal Nou Vint-i-quatre) é a terceira canle da televisión valenciana. A súa programación baséase principalmente en noticias.
- Canal Nou Internacional é a canle de televisión online de RTVV creada para acercar e difundir información sobre a Comunidade Valenciana para promocionar a cultura, a historia, a xeografía, a economía, o tecido social, o deporte e calquera outro ámbito de interese propio, en España e no resto do mundo.
Radio Nou
editar(Radio Autonomía S.A.)
- Radio Nou É a principal cadena de radio. Web Oficial
- Si Radio. Web OficialArquivado 20 de agosto de 2014 en Wayback Machine.
- Radio Nou Música é unha produtora musical propia.