Dag Hammarskjöld
Dag Hjalmar Agne Carl Hammarskjöld, nado en Jönköping o 29 de xullo de 1905 e finado en Ndola (Federación de Rodesia e Nyasalandia) o 18 de setembro de 1961, foi un diplomático e economista sueco, Secretaría Xeral da Organización das Nacións Unidas dende abril de 1953 ata o seu falecemento ao estrelarse o avión en que viaxaba para mediar na crise do Congo. Semanas despois recibiu a título póstumo o premio Nobel da Paz.
![]() ![]() | |
Nome orixinal | (sv) Dag Hammarskjöld ![]() |
---|---|
Biografía | |
Nacemento | 29 de xullo de 1905 ![]() Jönköping, Suecia ![]() |
Morte | 18 de setembro de 1961 ![]() Ndola (Federação da Rodésia e Niassalândia) ![]() |
Causa da morte | accidente ou incidente de aviación ![]() |
Lugar de sepultura | cemiterio vello de Uppsala, Kvarter: 16 Gravplats: 0834C (1961–) 59°51′20″N 17°37′34″L / 59.855478, 17.626053 ![]() |
8º Seat 17 of the Swedish Academy (en) ![]() | |
20 de decembro de 1954 – 17 de setembro de 1961 ← Hjalmar Hammarskjöld (pt) ![]() ![]() | |
![]() | |
10 de abril de 1953 – 18 de setembro de 1961 ← Trygve Lie – U Thant → | |
Ministro do Comércio Exterior da Suécia (pt) ![]() | |
6 de febreiro de 1951 – 8 de abril de 1953 ← sen valor – Supresión do cargo → | |
Secretario de Estado | |
1936 – 1945 ![]() | |
Datos persoais | |
País de nacionalidade | Suecia ![]() |
Relixión | Luteranismo ![]() |
Educación | Universidade de Uppsala (1923–) Universidade de Estocolmo Q64438163 ![]() ![]() |
Actividade | |
Campo de traballo | Política, diplomacia e movimento pacifista (pt) ![]() ![]() |
Ocupación | político , poeta , escritor , economista , diplomático , filósofo ![]() |
Empregador | ONU Ministério das Finanças (pt) ![]() ![]() |
Partido político | político independente ![]() |
Membro de | |
Profesores | Hildur Akselsson (pt) ![]() ![]() |
Lingua | Lingua sueca ![]() |
Familia![]() | |
Pais | Hjalmar Hammarskjöld (pt) ![]() ![]() ![]() ![]() |
Irmáns | Åke Hammarskjöld (pt) ![]() ![]() ![]() ![]() |
Premios | |
Páxina web | daghammarskjold.se ![]() |
![]() ![]() ![]() ![]() ![]() ![]() ![]() |
Hammarskjöld está considerado un dos dous mellores secretarios xerais das Nacións Unidas,[1] e o seu mandato considérase un dos maiores éxitos da ONU.[2] O presidente dos Estados Unidos John F. Kennedy denominou a Hammarskjöld "o maior home de estado do noso século".[3]
Traxectoria
editarDag Hammarskjöld naceu en Jönköping na nobre familia Hammarskjöld (tamén escrito Hammarskiöld ou Hammarsköld). Pasou a maior parte da súa infancia en Uppsala. O seu fogar alí era o castelo de Uppsala. Foi o cuarto e máis novo fillo de Hjalmar Hammarskjöld, primeiro ministro de Suecia entre 1914 e 1917,[4] e Agnes Hammarskjöld (née Almquist).
Hammarskjöld estudou primeiro en Katedralskolan e despois na Universidade de Uppsala. En 1930, obtivera graos en filosofía e leis. Antes de rematar o seu grao en leis, xa lograra un traballo como secretario axudante do comité de desemprego.[5]
Con 31 anos, pouco despois de obter o seu doutoramento en economía política, foi nomeado subsecretario permanente do Ministerio de Finanzas de Suecia, e en 1945 conselleiro no Gabinete Ministerial en Asuntos Económicos e Financeiros. Nese cargo organizou distintos proxectos gobernamentais para os problemas económicos que xurdían a consecuencia da segunda guerra mundial e o período de posguerra. Catro anos máis tarde foi designado secretario xeral na Oficina de Asuntos Exteriores, e en 1951 uniuse ao gabinete sueco como ministro sen carteira, levando os problemas económicos e de cooperación económica con países en vías de desenvolvemento.
Hammarskjöld foi elixido secretario xeral das Nacións Unidas pola Asemblea Xeral o 7 de abril de 1953.[6] En setembro de 1957, saíu reelixido por unanimidade para desempeñar o cargo durante outros cinco anos.[7] Á fronte das Nacións Unidas sempre destacou como un pacifista, aumentando os esforzos para evitar guerras, e así cumprir un dos obxectivos da Carta das Nacións Unidas.
Durante o seu mandato, intentou suavizar as relacións entre Israel e os estados árabes. Outros puntos fundamentais foron a visita á República Popular da China para negociar a liberación de once pilotos estadounidenses capturados durante a guerra de Corea,[4] o establecemento en 1956 da Forza de Urxencia das Nacións Unidas e a súa intervención na crise de Suez (1956). Algúns historiadores recoñéceno por permitir a participación da Santa Sé nas Nacións Unidas ese mesmo ano.[8]
Seguindo as medidas ditadas polo Consello de Seguridade, as Forzas de Paz da ONU foron despregadas no Congo a principios da década de 1960. Hammarskjöld viaxou a ese país en catro ocasións para coñecer in situ o traballo dos "Cascos Azuis". Na cuarta viaxe, o avión que o levaba á misión de traballo da ONU estrelouse, falecendo todos os pasaxeiros. En 2017, algunhas investigacións apuntaron a que o avión puido ser derribado por outro.[9]
Poesía
editarTrala morte de Hammarskjöld atopáronse varios cadernos con poemas escritos por el. Esta poesía existencial foi publicada máis adiante, consistindo a maior parte en haikus.[10]
Legado
editarDag Hammarskjöld recibiu o premio Nobel da Paz de forma póstuma en 1961.
A biblioteca Dag Hammarskjöld, que forma parte do edificio das Nacións Unidas, recibiu o seu nome o 16 de novembro de 1961. Próximo ao edificio está o parque público chamado Dag Hammarskjöld Plaza.[11]
É conmemorado como pacifista no calendario dos santos da Igrexa evanxélica luterana nos Estados Unidos de América cada 18 de setembro.
Predecesor: Trygve Lie |
Secretario Xeral das Nacións Unidas 1953-1961 |
Sucesor: U Thant |
Notas
editar- ↑ "Next U.N. secretary general - The Japan Times". Este artigo menciona a Kofi Annan como o outro.
- ↑ "How Not to Select the Best UN Secretary-General". 28 de outubro de 2015.
- ↑ Linnér, S (2007). "Dag Hammarskjöld and the Congo crisis, 1960–61" (PDF). Uppsala University. p. 28. Arquivado dende o orixinal (PDF) o 05 de abril de 2012. Consultado o 28 de agosto de 2018.
- ↑ 4,0 4,1 Sze, Szeming (decembro de 1986). Working for the United Nations: 1948-1968 (Digital ed.). Pittsburgh: Universidade de Pittsburgh. p. 20. Consultado o 7 de novembro de 2014.
- ↑ "Biography, at Dag Hammerskjoldse". Daghammarskjold.se. Arquivado dende o orixinal o 02 de outubro de 2013. Consultado o 10 de setembro de 2013.
- ↑ Heller 2001, p. 15.
- ↑ Heller 2001, p. 21.
- ↑ "Holy See's Presence in the International Organizations". Vatican.va. 22 de abril de 2002. Arquivado dende o orixinal o 15 de febreiro de 2014. Consultado o 10 de setembro de 2013.
- ↑ "El enigma de la muerte del secretario general de la ONU en 1961 está más cerca de desvelarse". eldiario.es (en castelán). Consultado o 28 de setembro de 2017.
- ↑ Poema de Dag Hammarskjöld
- ↑ "Neighborhood News". New York magazine. 14 de marzo de 2011.
Véxase tamén
editarWikimedia Commons ten máis contidos multimedia na categoría: Dag Hammarskjöld |
Bibliografía
editar- Durel, Bernard, op, (2002), «Au jardin secret d'un diplomate suédois: Jalons de Dag Hammarskjöld, un itinéraire spirituel», La Vie Spirituelle (París). T. 82, pp. 901–922.
- Goodwin, Ralph R., ed. (1979). United Nations Affairs. Foreign Relations of the United States, 1952–1954. Volume III. Washington: United States Government Printing Office.
- Heller, Peter B. (2001). The United Nations under Dag Hammarskjold, 1953-1961. Scarecrow Press. ISBN 9781461702092.
- Lichello, Robert (1972) "Dag Hammarskjold: A Giant in Diplomacy." Samhar Press, Charlotteville, N.Y. ISBN 978-0-87157-501-2.
- Lipsey, Roger (2013). Hammarskjöld: A Life (illustrated ed.). University of Michigan Press. ISBN 9780472118908.
- Urquhart, Brian, (1972), Hammarskjold. Alfred A. Knopf, Nova York.
- Velocci, Giovanni, cssr, (1998), «Hammarskjold Dag», in Luigi Borriello, ocd – Edmondo Caruana, ocarm – Maria Rosaria Del Genio – N. Suffi (dirs.), Dizionario di mistica. Libreria Editrice Vaticana, Cidade do Vaticano, pp. 624–626.
Ligazóns externas
editar- Kofi Annan, Dag Hammarskjöld and the 21th century, The Fourth Dag Hammarskjöld Conferencia na universidade de Uppsala o 6 de setembro de 2001 (en inglés) (pdf)
- Biography Dag Hammarskjöld (en) (en inglés)
- Dag Hammarskjöld The Nobel Prize 1961 (en inglés)
- Site ONU Dag Hammarskjöld (en inglés)
- Dag Hammarskjöld Library (en inglés)
- 18 de setembro de 1961 UN Secretary-General Dag Hammarskjöld is killed (en inglés)