Gordon E. Moore
Gordon Earle Moore, nado o 3 de xaneiro de 1929 e finado en 24 de marzo de 2023 en Hawai, foi un informático estadounidense cofundador de Intel e autor da Lei de Moore.
Traxectoria
editarMoore naceu en San Francisco, California. Recibiu un grao de bacharelato en ciencias na especialidade de química da Universidade de California en Berkeley no 1950 e un doutoramento en química e en física do Instituto Tecnolóxico de California (Caltech polas súas siglas no inglés) en 1954. Antes de estudar en Berkeley, pasou a súa xuventude na Universidade Estatal de San Xosé, onde coñeceu a súa futura esposa.
Fundou Intel en xullo de 1968 xunto a Robert Noyce, traballando como Vicepresidente executivo ata 1975, cando se converteu en presidente executivo en xefe. En abril de 1979, o Dr. Moore converteuse en membro da xunta directiva ademais de executivo en xefe, mantendo ambas as posicións ata abril de 1987, cando deixou o posto de executivo en xefe. Nos seus últimos anos traballou como membro emérito da xunta directiva.