Zygmunt Bauman
Zygmunt Bauman, nado en Poznań o 19 de novembro de 1925 e finado en Leeds o 9 de xaneiro de 2017, foi un sociólogo, filósofo e ensaísta polaco de orixe xudía. A súa obra, que comezou na década de 1950, ocúpase, entre outras cousas, de cuestións como as clases sociais, o socialismo, o holocausto, a hermenéutica, a modernidade e a posmodernidade, o consumismo, a globalización e a nova pobreza. Desenvolveu o concepto da «modernidade líquida» e acuñou o termo correspondente.[1] Xunto co tamén sociólogo Alain Touraine, Bauman recibiu o Premio Príncipe de Asturias de Comunicación e Humanidades en 2010.[2]
Traxectoria
[editar | editar a fonte]Naceu no seo dunha familia humilde. Na súa fuxida do nazismo trasladouse á Unión Soviética e posteriormente regresou a Polonia, onde militou no Partido Comunista.[3] Foi mestre de filosofía e socioloxía na Universidade de Varsovia antes de verse obrigado a marchar de Polonia en 1968 por mor da política antisemita desenvolvida polo goberno comunista despois dos sucesos de marzo de 1968. Após a súa marcha da universidade desa cidade, ensinou socioloxía en países como Israel, os Estados Unidos e o Canadá. Dende 1971 residía en Inglaterra. Foi mestre na Universidade de Leeds, da que foi profesor emérito dende 1990.
Recoñecementos
[editar | editar a fonte]- Premio Europeo Amalfi de Socioloxía e Ciencias Sociais (1989)
- Premio Theodor W. Adorno da cidade de Frankfurt am Main (1998)
- Premio Princesa de Asturias de Comunicación e Humanidades (2019)[2]
Notas
[editar | editar a fonte]- ↑ 'Sociedad líquida' El Diario Vasco, consultado o 11 de outubro de 2011
- ↑ 2,0 2,1 Los sociólogos Touraine y Bauman ganan el Príncipe de Asturias de Comunicación, 20 minutos, 27 de maio de 2010, consultado o mesmo día.
- ↑ Clarín.com : Zygmunt Bauman: "Sí, fui un espía del comunismo" Arquivado 04 de marzo de 2016 en Wayback Machine.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Zygmunt Bauman ![]() |
- Sociólogos de Polonia
- Escritores de Polonia
- Escritores en lingua polaca
- Holocausto
- Premios Princesa de Asturias de Comunicación e Humanidades
- Doutores honoris causa pola Universidade Carolina de Praga
- Alumnos da Universidade de Varsovia
- Nados en 1925
- Nados en Poznan
- Finados en 2017
- Escritores en lingua inglesa
- Profesores da Universidade de Leeds