Alexandria Ocasio-Cortez
Alexandria Ocasio-Cortez (naskinta ye la 13ma di oktobro 1989) esas Usan aktivisto e politikisto dil Demokrata Partiso e la Demokrata Socialisti di Usa. El divenis la Demokrata kandidato por distrikto 14 di New York por la House of Representatives ye la 26ma di junio 2018, vinkante en l'ante-elekto Demokrato Joseph Crowley qua reprezentabis la distrikto depos 2013 ed esis reprezentanto dum 19 yari. Elua vinko esis granda surprizo por vasta parti dil Usana nacionala televizion-jurnalistaro. La distrikto situesas en Bronx e Queens.
![](http://178.128.105.246/cars-http-upload.wikimedia.org/wikipedia/commons/thumb/0/00/Alexandria_Ocasio-Cortez_speaks_to_El_Borde.png/220px-Alexandria_Ocasio-Cortez_speaks_to_El_Borde.png)
La chefa elekto eventos ye la 6ma di novembro 2018.
La familio di Ocasio-Cortez venis de Puerto Rico. Lua genitori esis laboristara. Lu studiis ekonomiko ed internaciona relati che Boston University, obtenante grado ye 2011.
Ante sua politikala kandidateso elu laboris en drinkeyo por suportar sua matro. Lu suportis la Demokrata prezidanto-kandidateso Bernie Sanders en 2016 kom organizanto.
Un de elua maxim prominenta propozi esas abolisar la U.S. Immigration and Customs Enforcement. El anke suportas nacionala sanes-instituto bazota sur Medicare ("Medicare for all", Medicare por omni) e federala laborgarantio-sistemo. Elua kandidateso suportesis da Demokrata Socialisti di Usa, Justice Democrats, Black Lives Matter, MoveOn, Our Revolution, Democracy for America, la Working Families Party e Brand New Congress.