Kontrato di Petrópolis
Petrópolis-kontrato esis pakto pri paco signatita da Brazilia e Bolivia ye la 17ma di novembro 1903 che urbo Petrópolis. La pakto stipulis ke Bolivia cedus 191 000 km² di teritorio a Brazilia, korespondanta preske tote a nuna Braziliana stato Acre. Ante, en 1867, tra la Pakto pri Paco ed Amikeso Bolivia cedis 164 242 km² qua nun apartenas al stato Amazonas.
![](http://178.128.105.246/cars-http-upload.wikimedia.org/wikipedia/commons/thumb/1/1d/Brazil_State_Acre.svg/250px-Brazil_State_Acre.svg.png)
Inter la motivi por la cedo esis ke la regiono koloniigesis da Braziliani, qui eniris Boliviana teritorio por explotar kauchukofigieri dum l'epoko konocata kom febro dil kauchuko, e la su-levo dil habitantaro kontre Bolivian administrado.
![](http://178.128.105.246/cars-http-upload.wikimedia.org/wikipedia/commons/thumb/f/f1/Mapa_de_EFMM_-_1904_Revista_Kosmos.jpg/250px-Mapa_de_EFMM_-_1904_Revista_Kosmos.jpg)
Kambie por la teritorio, Brazilia aceptis
- konstruktar ferovoyo qua posibligus transportar Boliviana produkturi til urbo Porto Velho, en nuna Rondonia, nam rivero Madeira ne posibligas navigado en la regiono
- cedar 3 000 km² di teritorii a Bolivia
- posibligar Bolivia navigar tra Braziliana fluviala voyi til oceano Atlantiko
- posibligar Bolivia konstruktar dogani en l'urbi Corumbá, Manaus, Belém ed en altra urbi de la frontiero
- pagar £ 2 000 000 punda-indemno a Bolivia (equivalanta nun a plu kam 290 milion dolari).
Brazilia efektigis tota demandi dil kontrato. La ferovoyo Madeira-Mamoré inauguresis en 1912, quankam ol ne atingis urbo Riberalta, pro problemi en la tereno. La ferovoyo kustis US$ 33 milioni, e 3600 laboristi mortis pro malario o flava febro.