La Plata
La Plata | ||
![]() | ||
Kelk imaji pri La Plata. | ||
![]() |
![]() | |
Standardo | Blazono | |
Lando: | ![]() | |
Provinco: | Buenos Aires | |
Informo:
| ||
Latitudo: | 34°55'16"S | |
Longitudo: | 57°57'16"W | |
Altitudo: | 26 m | |
Surfaco: | 27 km² | |
Habitanti: | 193 144 (2010) | |
Denseso di habitantaro: | 3398,54 hab./km² | |
Horala zono: | UTC-3 | |
Urbestro: | Julio Garro (PRO-JxC) | |
Mapo:
| ||
![]() | ||
Oficala retosituo:
| ||
www.laplata.gov.ar |
La Plata esas chef-urbo di provinco Buenos Aires, en Arjentinia. Segun statistiki dil yaro 2010 ol havis 193 144 habitanti. Lua tota surfaco esas 27 km². Ol distas 56 kilometri este de Buenos Aires, e 9 km de la rivi di fluvio Plata.
![](http://178.128.105.246/cars-http-upload.wikimedia.org/wikipedia/commons/thumb/f/fc/La_Plata_-_Plaza_Moreno_-_20061207a.jpg/320px-La_Plata_-_Plaza_Moreno_-_20061207a.jpg)
La Plata esas la precipua politikala, administrala ed edukala centro di la provinco. Ol esas exemplo di projetita urbo: ol projetesis ed inauguresis en 1882, segun formo quadrata. Segun la demografiala kontado di 2022, lua metropolala regiono havas 938 287 habitanti.
Un ek la maxim importanta universitati di Arjentinia, Universidad Nacional de La Plata (UNLP), la 3ma maxim anciena de la lando, jacas ibe. Altra tri importanta universitati esas Universidad Católica de La Plata, Universidad Notarial Argentina ed Universidad del Este.
Geografio
redaktarLa reliefo di La Plata esas plana, sen monti o kolini, kun multa placi, segun modelo di projeto urbala de la 19ma yarcento, influita da Renesanco Europana. Lua mezavalora altitudo esas 26 metri, e lua maxim alta punto esas metri super la marala nivelo.
La klimato di La Plata esas humeda subtropikala (Cfa segun la klimatala klasifikuro da Köppen). La mezavalora temperaturo en julio (vintro) esas 9,2°C, kontre ke la mezavalora temperaturo en januaro (somero) esas 23,1°C. La maxima temperaturo enrejistrita dum la historio dil urbo esis 41°C, ye la 14ma di januaro 2022, kontre ke la minima temperaturo enrejistrita dum la historio dil urbo esis -5,7°C.
La mezavalora yarala pluvo-quanto dil urbo esas 1072,7 mm, e la maxim pluvoza monato esas februaro, kun mezavalore 112,8 mm. Rare nivis dum la historio dil urbo, exakte 5 foyi til nun: en julio 1912, ye la 22ma di junio 1918, en 1928, en julio 2007, ed ye la 6ma di junio 2012[1].
Referi
redaktar- ↑ Resumen synop - URL vidita ye 23ma di decembro 2023. Idiomo: Hispana.