Natado
Natado esas la diplaso di ula persono od animalo tra aquo per uzo di extremaji korpala, ordinare sen uzo di instrumento o suporto por avancar. Ordinare, homi uzas natado por amuzo, sporto, exerco, o transvivo. Homi anke povas retenar la respirado e natar subaqua rudimente.
![](http://178.128.105.246/cars-http-upload.wikimedia.org/wikipedia/commons/thumb/d/d7/H%C3%A0bit_Saludable.jpg/320px-H%C3%A0bit_Saludable.jpg)
![](http://178.128.105.246/cars-http-upload.wikimedia.org/wikipedia/commons/thumb/0/03/A_child_smiles_for_the_camera_underwater_while_participating_in_the_Marine_Corps_Community_Services%27_annual_Splashin%27_Olympics_at_Marine_Corps_Base_Camp_Pendleton%2C_Calif.%2C_Aug_110804-M-MC155-003.jpg/320px-thumbnail.jpg)
En kelka landi, natado esas parto del studio-programo.[1] Kom sporto, existas multa konkursi pri natado, esante la maxim importanta ti qui eventas dum l'Olimpiala Ludi.
Cienco
redaktarNatado esas posibla pro ke la mezavalora denseso di la homala korpo esas 0,98 kompare la denseso del aquo, quo esas 1, e to posibligas homi flotacar. Tamen, la flotaco-kapaceso varias segun la salo-koncentro en la aquo e la kompozajo di homala korpo. Pro ke la korpo homala esas min densa kam l'aquo, l'aquo soportas homala pezo, e l'esforco pri natar esas min intensa kam l'esforco bezonata por kurar.
Natado povas facesar instintale poka semani pos nasko, kom evolucionala respondo. Bebei havas inata kapaceso pri plunjar til cirkume l'evo di 6 monati.[2]
Referi
redaktar- ↑ Swimming Lessons in Educational Curriculum Across the World - Idiomo: Angla.
- ↑ Autoro: E. Goksor, L. Rosengren, G. Wennergren. Bradycardic response during submersion in infant swimming Publikigita da Acta Paediatr. Dato di publikigo: 2002. Pagino/pagini: 307-312. URL vidita ye 17ma di agosto 2014.