Baikal
![](http://178.128.105.246/cars-http-upload.wikimedia.org/wikipedia/commons/thumb/d/d5/Yeniseirivermap.png/280px-Yeniseirivermap.png)
.
![](http://178.128.105.246/cars-http-upload.wikimedia.org/wikipedia/commons/thumb/1/1e/Ferroviacircolarebaikal.jpg/320px-Ferroviacircolarebaikal.jpg)
Lago Baikal (Rusa:О́зеро Байка́л (Ozero Baykal)), jacas en sudala Siberia, Rusia, inter provinco Irkutsk nordweste e republiko Buryatia sudeste, apud Irkutsk. Longa de 636 kilometri e larja de 80 kilometri, Baikal esas la maxim vasta lago di dolca aquo en Azia (31.494 km2) e la maxim profunda lago de la mondo (1637 m).
La lago cirkondesas da monti, e kreesis da fenduro en Terala surfaco, nomizita "fenduro-zono di Baikal". Ol evas cirkume 25 milion til 30 milion yari, esanta la maxim anciena lago en geologiala historio. An la regiono vicina ol existas multa fonti di varma aquo, e forta ter-tremi eventas cirkume ye singla kinesma yaro. La fenduro augmentas per 2 centimetri omnayare.
Baikal esas unika inter la granda lagi, nam lua sedimenti ne removesis dal diplaso di glacieri. Segun studii facita da Rusa, Japoniana ed Usana ciencisti dum la yari 1990a, profonda perforo en la sedimenti permisis studiar detali pri klimatala vario dum la pasinta 6 o 7 milion yari. On kredas esar posibla extraktar mem plu profonda sedimenti.
La lago esas kompleta cirkondita per monti, teknikale protektita kom nacionala parko e kontenas 22 mikra insuli, la plu granda, Olkhon, longa de 72 km. La lago esas nutrita per kelka 300 riveri, esante la sis precipue la Selenga, l’origino di poka poluteso, Chikoy, Khiloh, Uda], Barguzin ed Alta Angara, ed esas drenita tra sole defluiga, l’Angara rivero.