Blágreni
Blágreni (fræðiheiti: Picea engelmannii) er sígrænt barrtré af þallarætt. Fullvaxið tré nær 25-40 m hæð og 1,5 m stofnþvermáli. Blágreni er langlíft og nær allt að 900 ára aldri.
Blágreni | ||||||||||||||
---|---|---|---|---|---|---|---|---|---|---|---|---|---|---|
![]() Grein blágrenis
| ||||||||||||||
Ástand stofns | ||||||||||||||
Vísindaleg flokkun | ||||||||||||||
| ||||||||||||||
Tvínefni | ||||||||||||||
Picea engelmannii Parry ex Engelm. |
![](http://178.128.105.246/cars-http-upload.wikimedia.org/wikipedia/commons/thumb/0/06/Picea_engelmannii_levila.png/220px-Picea_engelmannii_levila.png)
![](http://178.128.105.246/cars-http-upload.wikimedia.org/wikipedia/commons/thumb/f/f4/Picea_engelmannii.jpg/220px-Picea_engelmannii.jpg)
Tegundin rekur uppruna sinn til vesturstrandar Norður-Ameríku og vex í fjalllendi frá Kanada suður að landamærum Mexíkó. Blágreni hefur þó verið plantað víða um heim í nytjaskógrækt, einkum í Evrópu.
Blágreni er náskylt bæði hvítgreni, sem vex norðar og austar í Klettafjöllunum, og sitkagreni, sem vex nær Kyrrahafsströndinni og blandar kyni með báðum tegundum.
Blágreni á Íslandi
breytaFyrstu blágrenin voru gróðursett á Íslandi í Mörkinni á Hallormsstað árið 1905. Hæstu trén eru komin yfir 20 metra [2][3] . Síðan 1955 hefur blágreni verið flutt inn reglulega og er mest af fræi fengið frá Colorado fylki BNA.
Nytjar
breytaBlágreni er mikið notað í nytjaskógrækt fyrir framleiðslu timburs og pappírs. Viður þess kemur að sérstökum notum við gerð strengjahljóðfæra. Það er stundum notað sem jólatré, þó sjaldnar en rauðgreni.
Tengt efni
breytaHeimildir
breyta- Í lundi nýrra skóga; grein í Morgunblaðinu 1956
- Auður I. Ottesen (ritstj.) (2006). Barrtré á Íslandi. Sumarhúsið og garðurinn. ISBN 9979-9784-0-6.
- ↑ Conifer Specialist Group (1998). "Picea engelmannii". IUCN Red List of Threatened Species. Version 2006. International Union for Conservation of Nature.
- ↑ Tíu tegundir trjáa í 20 metra klúbbinn og fleiri eru á leiðinni Mbl.is skoðað 24. okt. 2020
- ↑ Skógræktin. „30 metra markið nálgast“. Skógræktin. Sótt 24. október 2020.