Depressio Kumo-Manyczensis
Depressio Kumo-Manyczensis[1] est arta et longa demissio terrestris inter elevationes Ergeni[2] et Stauropolitanam[3] sita. Fretum est antiquum, quod 15 vel 17 milibus annorum ante paludem Maeotidem et mare Caspium coniungebat.\
![](http://178.128.105.246/cars-http-upload.wikimedia.org/wikipedia/commons/thumb/f/f5/Manych_river.jpg/220px-Manych_river.jpg)
Flumina Manycz Orientalis et Manycz Occidentalis per depressionem fluunt; Manycz Occidentalis in Tanaitem influit (quod in Maeotidem se effundit), Manycz Orientalis per lacus Sostinos (Sostinskije) ad mare Caspium aquas fert, sed rarissime mare attingit. Kalaus flumen antea saepe fluxus mutabat et alios annos in Manycz Orientalem influit, alios in Occidentalem. Nunc aggere a Manycz Orientali separatus est et ambo Manycz flumina aliquot aggeribus obstructa receptacula aquae implent. Etiam Kuma flumen per depressionem in mare Caspium fluit. In re publica Calmuccia et regione Rostoviensi et τerritoriο Stauropolitanο Russiae depressio Kumo-Manyczensis sita est.
Ciscaucasiae depressio Kumo-Manyczensis finis est; saepe et confinium Europae et Asiae habetur.
Notae
recensere- ↑ Norae Zabinkovae et Moysis Kirpicznikov Nomina physico-geographica principalia URSS s.v. Кумо-Манычская впадина.
- ↑ Ibid., s.v. Ергени, возв.
- ↑ Ibid., s.v. Ставропольская возвышенность.
Nexus externi
recensereSitus geographici et historici: Locus: 45°42′54″N 44°6′18″E, 46°0′0″N 43°0′0″E • GeoNames • Большая российская энциклопедия |