Michael Montanus
Michael Montanus[1][2] (Francogallice plene Michel Eyquem de Montaigne; natus die 28 Februarii 1533; mortuus Sancti Michaelis in oppido die 13 Septembris 1592) fuit scriptor moralisticus in lingua Francogallica. Eius autem lingua prima erat Latina: pater enim Latine tantum more humanistarum educavit. Auctor fuit commentatiunculorum philosophicorum scepticorum, quae ipse appellavit essais, scilicet 'experimenta, conata (vel conatus), tentamina, pericula'.[3] De fama librorum trium ab illo conscriptorum novus sensus venit verbi essai, qui nunc Latine 'commentatio' vel Graece 'progymnasma' sonat.
![](http://178.128.105.246/cars-http-upload.wikimedia.org/wikipedia/commons/thumb/2/25/Michel-eyquem-de-montaigne_1.jpg/200px-Michel-eyquem-de-montaigne_1.jpg)
Montanus multos auctores Occidentales maximi momenti recte movit, inter quos Franciscus Bacon, Renatus Cartesius,[4] Blasius Pascalis, Ioannes Iacobus Russavius, Albertus Hirschman, Gulielmus Hazlitt,[5] Radulphus Waldo Emerson, Fridericus Nietzsche, Stephanus Zweig, Ericus Hoffer,[6] Isaac Asimov, et fortasse etiam ultimi Gulielmi Shakespearii ludi scaenici.
Montanus aut Burdigalae natus est[7] aut in castello familiae Montani[8] iuxta oppidum Sancti Michaelis hodie Saint-Michel-de-Montaigne appellatum.
Asteroides 8890 Montaigne in eius honorem nominatus est.
Opera
recensere- 1569 : La theologie naturelle de Raymond Sebon; traduite en françois par messire Michel, seigneur de Montaigne
- 1571 : La mesnagerie de Xénophon [etc.] traduict ... par Estienne de la Boétie; liber a Montaigne editus in quo publicavit "Discours sur la mort de feu M. de la Boëtie"
- 1580 : Essais: libri 1 et 2. Burdigalae
- 1588 : Essais: libri 1-3. Lutetiae
- 1774 (Meusnier de Querlon, ed.) : Journal du voyage de Michel de Montaigne en Italie par la Suisse et l'Allemagne en 1580 et 1581 ("Commentaria itineris in Italiam per Helvetiam et Germaniam"). 2 voll. Romae (vol. 1 apud Google Books) (vol. 2 apud Google Books)
Notae
recensere- ↑ Iohannes Iacobus Hofmannus, Lexicon universale (1698) ~ Hofmann sic incipit: "MICHAEL Montanus, nobilis Petrocorius, Lipsio Galliae Thales, Mezeraeo Seneca Christianus. . . ."
- ↑ Ioha. Beverovicii medici Medicinae Encomium, eiusdem Montanus elegchomenos sive refutatio argumentorum quibus necessitatem medicinae (1633).
- ↑ De titulis Latinis, vide Bruckerum (op. cit.), qui 'tentamina' vel 'pericula moralia' proponit, vel etiam Bulletin du bibliophile (Lutetiae, 1862), p. 1309 quod has interpretationes Latinas ab humanistis confectis refert: Gustus (plurali; Iustus Lipsius), conatus (Thuanus et Scaevola Sammarthanus) et tentamina Freytag).
- ↑ Michael J. Buckley, At the Origins of Modern Atheism (Portu Novo: Yale University Press, 1990), 69.
- ↑ John Kinnaird, William Hazlitt: Critic of Power (Novi Eboraci: Columbia University Press, 1978), 274.
- ↑ Apud Truth Imagined, commemorationes ab Erico Hoffer scriptas.
- ↑ Sic pagina Michel de Montaigne apud Vicipaediam Francogallicam.
- ↑ M. Rat (1962) vol. 1 p. ii; sic etiam Michel de Montaigne apud Vicipaediam Anglicam.
Bibliographia
recensereNexus externi
recensere- Exemplar Burdigalense editionis 1588, adnotationibus manu Michaelis Montani scriptis
- Editio Villey-Saulnier librorum Essais (Francogallice)
- Index librorum Essais (Francogallice)