Suella Braverman
Suella Braverman, nomine nativo Sue-Ellen Cassiana Fernandes (Harroviae die 3 Aprilis 1980 nata) est iuris consulta et politica Regni Britanniarum.
![Suella Braverman: imago](http://178.128.105.246/cars-http-upload.wikimedia.org/wikipedia/commons/thumb/c/c3/Official_portrait_of_Suella_Braverman_MP_crop_2%2C_2024.jpg/150px-Official_portrait_of_Suella_Braverman_MP_crop_2%2C_2024.jpg)
Patria: Britanniarum Regnum
Nomen nativum: Sue-Ellen Cassiana Fernandes
Matre e populo Tamulico insulae Mauritiae orta, patre in Kenia nato e familia Goana, Suella Wembley in regione urbana prope locum nativitatis educata est; Collegium Reginarum apud Cantabrigienses frequentavit; iuribus Europaeis Francicisque in universitate Parisiensi Sorbonae studuit.
Borisio Johnson ab officio primi ministri mense Iulio 2022 decedente, ipsa se ad hoc officium proposuit vocibusque legatorum 32 firmata est. A die 6 Septembris 2022 usque ad 19 Octobris huius anni secretaria civica vel ministra a rebus internis meruit, prima ministra Elisabetha Truss; die 25 instantis ad idem officium a primo ministro Rishi Sunak revocata est. Ab hoc officio die 13 Novembris 2023 demissa est. Epistulis die fere 19 Octobris 2022 et 13 Novembris 2023 missis primos ministros respectivos acerbius reprehensit.
Bibliographia
recensere- Pippa Crerar, Peter Walker, Aubrey Allegretti, "Suella Braverman forced to resign as UK home secretary" in The Guardian (19 Octobris 2022)
- Toby Helm, Mark Townsend, "Bringing back ‘leaky Su’ Braverman: a bold move by Sunak, or a reckless gamble?", aliter "The Braverman Gamble" in The Observer (30 Octobris 2022)
- David Rose, "Police must understand that Jews do count, says Braverman" in Jewish Chronicle (29 Martii 2023)
- Karen Walter, "Royaume-Uni: Suella Braverman, d’origine mauricienne, aspirante PM" in L'Express [insula Mauricia] (9 Iulii 2022)
Nexus externi
recensereLexica biographica: • Den store danske • • Parlamentum Britannicum |
- Andrew Gimson, "Interview: The double-hatted Suella Fernandes – both a member of the Government and a pro-Leave group leader" (6 Iulii 2017) apud Conservative Home
- Alain Tolhurst, "Who is Suella Braverman, the new Attorney General ready to take on the judiciary?" (13 Februarii 2020) apud Politics Home