Рикардо Кака
Рикардо Изексон дос Сантос Лејте (португалски: Ricardo Izecson dos Santos Leite) (се чита: Рикарду Изексон душ Сантуш Лејчи) (роден на 22 април 1982 во Бразилија), подобро познат како Кака, — бразилски фудбалер кој игра во американската МЛС за Орландо Сити, и е поранешен член на бразилската фудбалска репрезентација. Кака ja започна својата фудбалска кариера на возраст од осум години, кога тој почна да игра за еден локален клуб. Како дете, тој, исто така, играл тенис,[2] и тоа не беше сè додека тој се пресели во Саун Пауло и го потпиша својот прв професионален договор со клубот, на возраст од 15 години, со што целосно се фокусира на фудбалот. Во 2003 година, тој се приклучи на италијанскиот клуб Милан за сума од 8,5 милиони евра. Во Милан, Кака го доживеа свите најблескави моменти во кариерата освојувајќи ја Серија А и Лигата на Шампионите, а во 2007 година тој беше прогласен за играч на годината и ја доби Ballon d'Or наградата. По неговиот успех со Милан, Кака се приклучи на Реал Мадрид за обесштетување од 65 милиони евра.[3] Во тоа време, тоа е втор најскап фудбалски трансфер во надомест во евра зад 75 милионскиот трансфер за Зинедин Зидан. По четири сезони во Шпанија, тој се врати во Милано на само една сезона во 2013 година, постигнувајќи го својот 100-ти гол за клубот. На крајот на сезоната 2013-14, тој се пресели во МЛС лигата во тимот на Орландо, но првично се врати во својот поранешен бразилски клуб Саун Пауло на позајмица. Во 2015 година, тој постигна гол на своето деби на МЛС за Орландо; кој подоцна беше вклучен во списокот за МЛС Ол-стар натпреварот во 2015 година, каде што тој беше прогласен за најкорисен играч.
Kaká | |||
---|---|---|---|
![]() Кака после натпревар во Хјустон во 2015 година | |||
Лични податоци | |||
Полно име |
Рикардо Изексон дос Сантос Лејте | ||
Роден на | 22 април 1982 | ||
Роден во | Бразилија, Бразил | ||
Висина | 1,86 м[1] | ||
Позиција | среден ред/напад | ||
Клупски податоци | |||
Сегашен клуб | ФК Милан | ||
Број | 22 | ||
Младинска кариера | |||
1994–2000 | ФК Саун Пауло | ||
Кариера* | |||
Години | Клуб | Наст. | (Гол.) |
2001–2003 | ФК Саун Пауло | 59 | (23) |
2003–2009 | ФК Милан | 193 | (70) |
2009–2013 | ФК Реал Мадрид | 85 | (23) |
2013-2014 | Милан | 30 | (7) |
2014- | ФК Орландо Сити | 52 | (18) |
2014- | ФК Саун Пауло (п) | 19 | (2) |
Репрезентација ‡ | |||
2002– | Бразил | 92 | (29) |
*Настапи и голови само на првенствени натпревари, според податок од 23 October 2016 ‡ Настапи и голови за репрезентација, според податок од 18:07, 30 May 2016 (UTC) |
На репрезентативно ниво, Кака го направи своето деби за репрезентацијата на Бразил во 2002 година, и беше избран во победничкиот состав за Светското првенство во истата година, како и за Светското Првенство во 2006 и 2010 година. Тој исто така беше член на победничката бразилската репрезентација на Купот на Конфедерации во 2005 година и 2009 година каде што ја освои и наградата златна топка на турнирот во 2009 година, како најдобар играч на првенството.
Во прилог на неговиот придонес на теренот, Кака е познат за неговата хуманитарна работа. Во 2004 година, тој стана најмладиот назначен амбасадор на ОН за Светската програма за храна.[4] За неговиот придонес во и надвор од теренот, Кака беше именуван во Време 100 списокот на највлијателни луѓе во светот во 2008 и 2009 година.[5] Кака беше првиот спортист да собере 10 милиони следбеници на Twitter.[6]
Кака во моментов е најплатен играч во МЛС лигата, со вкупна заработка од 7.167.500 долари бруто, односно 6,6 милиони основна плата.[7]
Наводи
уреди- ↑ Official Real Madrid profile
- ↑ „Kaká:in Profile“. FIFA. 26 June 2009. Архивирано од изворникот на 2010-05-27. Посетено на 2017-05-19.
- ↑ „Kaka completes Real Madrid switch“. BBC. 9 June 2009.
- ↑ World Food Programme (30 ноември 2004). "Soccer star Kaká puts the floodlights on global hunger". Соопштение за печат. посет. 15 јуни 2010 г
- ↑ "Kaka profile" Архивирано на 5 декември 2018 г.. Goal.com. Retrieved 28 June 2014
- ↑ „Kaka tops 10M Twitter followers“. ESPN. 26 April 2012.
- ↑ „Kaka's massive MLS salary revealed“. The World Game. Special Broadcasting Service. Посетено на 26 April 2017.
Надворешни врски
уреди„Рикардо Кака“ на Ризницата ? |
- Kaká at La Liga Архивирано на 30 април 2012 г.
- 2010 FIFA World Cup profile Архивирано на 10 ноември 2013 г.
- Рикардо Кака на National-Football-Teams.com
- Рикардо Кака – Профил на службената страница на ФИФА
- BDFutbol profile
- Tactical Profile Архивирано на 4 март 2007 г. – Football-Lineups.com