Flagg vun Moldawien
De Flagg vun Moldawien wurr in en Gesett van' 12. Mai 1990 eerstmals fastleggt, noch för de Unafhängigkeit vun dat Land an' 27. August 1991. Nochmals nömmt wurrd se in de Verfaaten van' 29. Juli 1994.
![](http://178.128.105.246/cars-http-upload.wikimedia.org/wikipedia/commons/thumb/2/27/Flag_of_Moldova.svg/220px-Flag_of_Moldova.svg.png)
Beschrieven
ännernDe Flagg is en Trikolore in de Farven blau, geel un root (vun links nah rechts). Dat Siedenverhältnis vun de Hööcht to de Breedt bedrocht 1:2. In de Midden vun de Flagg liggt dat Wappen vun Moldawien, en Adler, de en Schild mit de Afbillen vun en Stier hollt. Der Schild hett en historschen oorsprung un wiest mit den Stier up dat ehmalge Fürstendom Moldau un mit den Adler up Rumänien hen. Vörbild för de Farfwahl weer de Flagg vun Rumänien. Dat Siedenverhältnis folgt sowjeetsch Traditschoon.
De Rücksiet vun de Flagg bild siet 2010 dat Wappen speegelverkehrt af.[1] Dorvör fehl dat Wappen up de Rücksiet.[2]
De Flaggen vun Moldawien un Rumänien wiesen groot Ähnlichkeiten mit de Flaggen vun Andorra un den Tschad up.
-
Upbau vun de Natschonalflagg
Farven
ännernDat Flaggengesett van' 17. September 2010 beschrifft de Farven vun de Flagg för verscheeden Systeme.[1]
System | Berlin Blau | Chromgeel | Vermion-Root | Bruun (in dat Wappen) | Gröön (in dat Wappen) |
---|---|---|---|---|---|
RGB | 0-70-174 | 255-210-0 | 204-9-47 | 176-126-91 | 0-122-80 |
Hexadezimalformat | #0046AE | #FFD200 | #CC092F | #B07E5B | #007A50 |
Pantone | 293c | 109c | 186c | 4645c | 3415c |
CYMK | 97.81.0.0 | 1.15.100.0 | 13.100.90.4 | 28.15.68.7 | 100.26.86.14 |
Geschichte
ännern1944–1952
ännernNah de Annexion dör de Sowjetunion wiels den Tweeten Weltkrieg kreeg Moldawien af 1944 en Flagg mit de kyrillisch Bookstaaven РССМ (RSSM för Република Советикэ Сочиалистэ Молдовеняскэ; Moldauische Sozialistische Sowjetrepublik) in Serifenschrift up root Grund. De mit en Hammer krüüzt Sicht symboliseer de Vereenigung as Deel vun de Sowjetunion.
1952–1990
ännernTo Tiet vun de Moldauischen Sozialistischen Sowjetrepublik as Deel vun de Sowjetunion harr Moldawien af den 31. Januar 1952 en root Flagg mit horizontal verloopen, gröön Striepen ünner Hammer un Sicht. De dortofüügt Root Steern stunn as Symbol för de kommunistischen Werte un de klassenloos Sellschopp. Up de Rücksiet hemm de Symbole dorgegen fehlt. De groot Ähnlichkeit mit de Flaggen vun all Sowjetrepubliken sull dorbi nochmals dat Kollektiv un de Gliekheit ünnerstrieken.
-
De Flagg vun dat Fürstendom Moldau (1354–1859)
-
1:2 Flagg vun de MSSR 1944–1952
-
1:2 Flagg vun de MSSR 1952–1990
-
1:2 Rücksiet vun de Flagg vun de MSSR 1952–1990
Wiedere Flaggen vun Moldawien
ännernSiet 2010 gifft dat nee Flaggen för verscheeden Amtsinhebber vun dat Land.
De Flagg vun de Armee is nich to verwesseln mit en Kriegsflagg. Se is en Flagg vun de Organisatschoon, nich en eegen Version vun de Natschonalflagg. De Flagg vun de Armee wurrd parallel to de Natschonalflagg bruukt, nich an Stäe vun disse.
-
1:1 Präsident
-
1:1 Parlamentspräsident
-
1:1 Premierminister
-
2:3 Strietkräfte vun Moldawien
Transnistrien
ännernDe aftrünnige Transnistrische Moldawische Republik (Transnistrien), de internatschonal nich anerkannt is, bruukt siet den fröhen 1990er Johren de Flagg vun de Moldauische SSR. För Nich-Regeeensgeschäfte as persönlichen oder kommerziellen Gebruuk is de Variante ahn de sowjeetsch Symbole (Hammer, Sicht un Steern) tolaaten. 2009 wurr tosätzlich en Natschonalflagg in de Farven witt blau root vörslahn. De ist meest identisch mit de Flagg vun de russisch Föderatschoon, blots dat Sietenverhältnis is anders (1:2 statt dat russisch 2:3). Dormit will man dat eng Verhältnis to Russland wiesen.[3]
-
1:2 Flagg vun Transnistrien
-
1:2 Natschonalflagg vun Transnistrien
Gagausien
ännernDat to Moldawien hörrn autonoom Rebeet Gagausien hett en eegen Flagg. Ebenso dat dor leven Volk vun de Gagausen (kiek ok: Flagg vun de Gagausen).
-
1:2 Flagg vun Gagausien
-
Flagg vun de Gagausen
Enkeld Nahwiesen
ännern- ↑ a b Flaggengesett vun Moldawien van' 17. September 2010
- ↑ Webupträe vun den moldauischen Präsidenten: Drapelul de Stat al Republicii Moldova, in Rumäänsch, afropen an' 6. November 2007.
- ↑ Transnistria considers broadening its state symbols. Artikel över Natschonalflagg up: social.moldova.org (en). Afropen an' 3. Mai 2012.
Weblinks
ännernLiteratur
ännern- Ralf Stelter: Flaggenlexikon. Fischer Verlag, Frankfort an'n Main 2010, ISBN 978-3-596-18522-1.