Torsten Meinberg
Martin Otto Torsten Meinberg (* 31. Oktober 1960 in Cuxhoben) is en düütschen Verwaltungsbeamten.
Meinberg is 1960 in Cuxhoben boren un mit teihn Jöhr mit siene Familie na Neegraven tagen.[1] He weer op Gymnasium un hett denn Juristeree studeert.[1] Na dat Studium weer he Notar in Wedel.[1] Von 1999 bet 2012 hett he in Heimfeld leevt, nu leevt he wedder in Neegraven.[1] He is Maat von de CDU.[1]
Bet 1996 weer he Afornten för de CDU in de Bezirksversammlung von’n Bezirk Horborg.[1]
Meinberg is 2004 as Nafolger von Bernhard Hellriegel för en Amtstied von söss Johr as Baas von dat Bezirksamt in’n Bezirk Horborg wählt worrn.[1] 2011 is he ok för en twete Amtstied wedderwählt worrn.[1] In dat sülve Johr noch hett aver de SPD de Mehrheit in de Bezirksversammlung wunnen un Meinberg müss to’n 31. Dezember 2011 sien Amt an Thomas Völsch afgeven.[1]
2012 is he Geschäftsföhrer bi LOTTO Hamborg worrn.[2]
1996 hett he siene Fro Birte freet un 1999 en Söhn kregen.[1]
Footnoten
ännern- ↑ a b c d e f g h i j Jochen Gipp: Meinberg sucht nach einer neuen Tätigkeit, Hamburger Abendblatt an’n 31. Dezember 2011
- ↑ Harburgs Ex-Bezirksamtsleiter wird neuer "Lotto-König", op harburg-aktuell.de