Andrzej Gmitruk
Andrzej Gmitruk (fødd 14. juli 1951 i Warszawa, daud 20. november 2018 i Hipolitów) var ein polsk boksetrenar og boksepromotor.
Andrzej Gmitruk | |
Statsborgarskap | Polen |
Fødd | 14. juli 1951 Warszawa |
Død | 20. november 2018 (67 år) Hipolitów, Mińsk County |
Utmerkingar | offiser av Ordenen Polonia Restituta |
Biografi
endreGmitruk byrja som juniortrenar i 1975.[1] To år seinare tek han over bokseklubben Legia Warszawa som vann det polske lagmeisterskapet i boksing fem gonger. Han trena to av bronsemedaljevinnarane i OL 1980 i Moskva, Kazimierz Szczerba og Krzysztof Kosedowski. I 1981 og 1983 vart Gmitruk kåra til årets boksetrenar av avisa BOKS. I 1983 overtok han som trenar for det polske landslaget. Under ALTE i 1988 i Seoul vann fire av bokserne han trena bronsemedaljar: Andrzej Gołota, Henryk Petrich, Jan Dydak og Janusz Zarenkiewicz. I åra 1988–1998 jobba han i Noreg som boksetrenar og sportssjef i Norges Bokseforbund. Han trena Ole Klemetsen til OL i 1992 og Jørn Johnson til OL i 1996.[2] Etter 1998 var Gmitruk trenar og promotor for profesjonelle boksarar. 2012–2018 var han ekspertkommentator for boksing ved Polsat Sport.[3]
Under valet i 2018 stilte Gmitruk som kandidat for partiet Lov og rettferd på regionalt nivå, utan å veljast inn.[4]
Gmitruk omkom heime i Hipolitów i Masoviske voivodskap den 20. november 2018. Måndag 19. november hadde han tent eit lys på terrassen til minne om den avlidne sonen sin. Om natta byrja det å brenna ute på terrassen. Under forsøk på å slokke brannen døydde Gmitruk. Dødsårsaka var akutt sirkulasjons- og respirasjonssvikt.[5] Andrzej Gmitruk vart 67 år gammal. Han etterlét seg kona Agnieszka og ei fem år gammal dotter.[6]
Kjelder
endre- ↑ «Kalendarium Stulecia Legii - 14 lipca». legia.com (på polsk). Henta 26. november 2018.
- ↑ «Norges boksemiljø i sorg: Tidligere landslagstrener omkom i brann». Aftenposten (på norsk bokmål). Henta 26. november 2018.
- ↑ «Boks. Andrzej Gmitruk rozstał się z Polsatem. Mocne słowa trenera». Sport.pl (på polsk). Henta 26. november 2018.
- ↑ «Wybory samorządowe 2018». wybory2018.pkw.gov.pl. Henta 26. november 2018.
- ↑ Wirtualna Polska Media (21. november 2018). «Prokuratura podała przyczynę śmierci Andrzeja Gmitruka - WP SportoweFakty». sportowefakty.wp.pl (på polsk). Henta 26. november 2018.
- ↑ !, Zbierz pieniądze na dowolny cel na Pomagam.pl. «Kliknij tutaj i wesprzyj Rodzina Andrzeja Gmitruka | Adam Krzysztof na Pomagam.pl». Pomagam.pl (på polsk). Henta 26. november 2018.
- Denne artikkelen bygger på «Andrzej Gmitruk» frå Wikipedia på bokmål, den 30. november 2018.