Kofi Annan
Kofi Atta Annan (8. april 1938–18. august 2018)[1] var ein ghanesisk diplomat og den sjuande generalsekretæren for dei sameinte nasjonane, han hadde denne jobben frå 1. januar 1997 til 1. januar 2007. Saman med SN fekk han Nobels Fredspris i 2001.
Kofi Annan | |||
![]() | |||
Fødd | 8. april 1938 Kumasi | ||
---|---|---|---|
Død | 18. august 2018 (80 år) | ||
Statsborgar av | Ghana | ||
Yrke | Diplomat | ||
Institusjonar | Dei sameinte nasjonane | ||
Utdanna ved | Kwame Nkrumah University of Science and Technology MIT Sloan School of Management IHEID Mfantsipim-skolen Massachusetts Institute of Technology Université de Genève Macalester College Sloan Fellows Program | ||
Mor | Rose Eshun | ||
Far | Henry Reginald Annan | ||
Ektefelle | Nane Annan (f. Lagergren) | ||
Barn | Kojo Annan, Nina Cronstedt, Ama Annan | ||
Medlem | American Academy of Arts and Sciences | ||
Verv | Den 7. generalsekretæren for SN 1. januar 1997–31. desember 2006 | ||
Føregangar | Boutros Boutros-Ghali | ||
Alle verv |
Annan blei fødd i Kumasi i den dåverande britiske kolonien Gullkysten, no Ghana. Han kom frå ein styrande familie; begge bestefedrane og ein onkel var stammehøvdingar. Faren hans var halvt ashanti og halvt fante medan mor hans var fante. I følgje tradisjonell ghanesisk namngjeving fortel namnet noko om fødselen til Annan. Kofi tyder at han var fødd på ein fredag, Annan at han var den fjerde ungen i familien, og Atta fortalde at han var fødd som tvilling, noko som blir sett på som svært spesielt i Ghana. Tvillingsystera Efua Atta døydde i 1991.
Kofi Annan byrja karrieren sin i SN-systemet i 1962, då han blei tilsett ved Verdshelseorganisasjonen (WHO). I 1996 blei han vald til generalsekretær i Dei sameinte nasjonane, ei stilling han blei innsett i den 1. januar 1997. I 2001 blei han gjenvald for ein ny periode som leiaren av SN, og han sat perioden ut, til 31. desember 2006.
Kofi Annan var gift med den svenske advokaten og artisten Nane Maria Annan. Dei hadde tre barn - to av dei, Kojo Annan og Ama Annan, var frå eit tidlegare ekteskap Kofi Annan hadde, mens den tredje, Nina Cronstedt de Groot var frå Nane Maria Annan sitt tidlegare ekteskap.
Kjelder
endre- ↑ «Kofi Annan, former UN chief, dies at 80». BBC. Henta 18 August 2018.