Magnhild Bruheim
Magnhild Bruheim (fødd 17. september 1951), fødd og oppvaksen i Skjåk og busett på Lillehammer,[1][2] er ein norsk skjønn- og faglitterær forfattar og frilansjournalist. Ho er utdanna cand.philol. med hovudfag i nordisk ved Universitetet i Oslo i 1982, og har tilleggsutdanning som journalist. Ho debuterte som forfattar i 1997, og har tidlegare vore radio- og TV-journalist i NRK Oppland. Somme av bøkene hennar er omsette til tysk. Ho var leiar av Norsk Målungdom 1978-79.[3][4]
Magnhild Bruheim | |
Nasjonalitet | Norsk |
Statsborgarskap | Noreg |
Fødd | 17. september 1951 (72 år) Skjåk |
Yrke | Forfattar, journalist |
Språk | norsk |
Periode | 1997- |
Medlem av | Norsk Målungdom |
Debut | Varselet |
Nettstad | magnhildbruheim.no |
Bruheim har mellom anna skrive kriminalromanar som er lagde til eit bygdemiljø i perioden frå 1960 til 2000, og vert rekna som ein av dei fremste representantane for sjangeren «bygdekrim». Ho har òg skrive romanar for ungdom, ein oppvekstroman, ein historisk roman, ei matbok og ei bok om gamle slagerar.
År | Tittel | Merknad |
---|---|---|
2011 | Blod på hendene | roman |
2010 | Det som ein gong var | roman |
2010 | På flukt | ungdomsroman |
2008 | Nattskrik | kriminalroman |
2007 | Venneringen | ungdomsroman |
2005 | Trolldomskraft | roman |
2004 | Matminne frå Gudbrandsdalen | sakprosa (medf.) |
2003 | Ny melding | ungdomsroman |
2002 | Dragsug | kriminalroman |
2001 | Svart arv | kriminalroman |
2000 | Lykkeland: Minne frå slagerbøkene | sakprosa (medf.) |
2000 | Utan englevakt | kriminalroman |
1999 | Maskerade | kriminalroman |
1997 | Varselet | kriminalroman |
Referansar
endre- ↑ «Magnhild Bruheim», driveklepp.org, henta 19. august 2019
- ↑ 2,0 2,1 «Magnhild Bruheim», Forfatterkatalogen (på norsk bokmål), henta 18. august 2019
- ↑ «Norsk Målungdom», malungdom.no, henta 17. august 2019
- ↑ Samlaget, «Magnhild Bruheim», Samlaget (på engelsk), henta 18. august 2019
Bakgrunnsstoff
endre- Magnhild Bruheims eiga forfattarside på internett Arkivert 2014-06-23 ved Wayback Machine.
- Digitaliserte bøker av Magnhild Bruheim i bokhylla.no (Nasjonalbiblioteket)