Ciclòn Bhola
Lo Ciclòn Bhola foguèt un ciclòn tropicau que se formèt lo 8 de novembre de 1970 dins lo Golf de Bengala. Pas detectat en causa de l'abséncia de sistèmas d'alèrta dins la region, causèt de destruccions fòrça importantas dins lei regions orientalas d'Índia e dins la mitat orientala de Paquistan (lo Bangladèsh actuau). Amb un nombre de victimas estimat a 500 000 mòrts, es sovent citat coma la catastròfa naturala pus murtriera de l'istòria umana. Una partida importanta dei victimes moriguèron en causa de la manca d'eficacitat dau govèrn paquistanés per organizar una ajuda eficaç dins lei regions tocadas. Lo ciclòn renforcèt ansin lei movements nacionalistas e independentistas bangladeshis e, mens d'un an pus tard, Bangladèsh obtenguèt son independéncia après una brèva intervencion militara indiana.
![](http://178.128.105.246/cars-http-upload.wikimedia.org/wikipedia/commons/thumb/0/01/15B_1970-11-12_0956Z.png/220px-15B_1970-11-12_0956Z.png)