Сюжет
Сюжет (анґл. narrative, story) — литературный термин, котрый означать поступность подѣй, епизодох, сцен, представленых читательови або слухательови словами литературного дѣла.[1] Синонимом сюжета в русинском языку е росповѣдь. Способность росповѣди мать в живом свѣтѣ лем чоловѣк, а розвивать ю од самых зачаткох, коли ся научив говорити. Од давного часу в литературѣ розвили ся розличны техникы росповѣданя. Росповѣдь окрем простой функции ознамѣня о подѣях, особах, предметах, краинах, обычаях и т. п. може служити на представлѣня моралных, културных або политичных вартостей. Од добы, коли сформовали ся народы и народностны литературы, росповѣдь представлять и културу одповѣдных народох.
Сюжет ся найвеце проявуе в епичных и драматичных (от давногрец. δρα̃μα — дѣйство)[2] дѣлах, котры ся можуть розобрати на поступность сцен, и тым ся явить можность их инсценации. Сюжет ся обычайно нияк не проявуе в лирицѣ, котра не мать дѣю.
Етимологи��
едітоватиПоходить од фр. sujet з лат. subjectum[3] — тема, предмет, акция. Окрем литературного понятя хоснуе ся тыж як термин в иншых видах умѣлства, напримѣр, в вытварном умѣлствѣ сюжет образа означать предмет зображѣня.[4]
Выставба сюжета
едітоватиПри выставбѣ сюжета в каждом припадѣ ся мусять вызначити главны елементы.
- Росповѣдач буде прямый участник подѣй (росповѣдь первой особы о собѣ и другых), або буде лем слѣдовати подѣи з боку (росповѣдь третьой особы о другых).
- Часова поступность буде хронологична, або з инверзиями.
- Притиск в сюжетѣ ся дасть на:
- дѣю (авантурна литература),
- внуторный свѣт постав (психологичный роман),
- окружѣня (социалный роман),
- конфликт межи особами (драма).
Сюжет и фабула
едітоватиСюжет е росповѣдь, опис подѣй, епизодох, образох, описох, сцен, котры читательови (слухательови, позерательови) поступно роскрывають обсяг дѣла. Фабула е план автора, подля котрого компонуе сюжет и подавать, росповѣдать обсяг свого дѣла. Сюжет читатель внимать нараз по ходу читаня, фабулу же увидить, аж по прочитаню цѣлого дѣла.
В бѣжной бесѣдѣ ся часто значѣня фабула и сюжет стотожнить.
Примѣры хоснованя:
Жерела и одказы
едітовати- Литературна енциклопедия русс.
- Дефиниция сюжета англ.
- Дефиниция фабулы англ.
- Фасмер, Макс. Этимологический словарь русского языка. В четырех томах. Москва. «Прогресс». 1986-1987.
Референции
едітовати- ↑ Дефиниция сюжета англ.
- ↑ Фасмер, Макс., т. 1, с. 535.
- ↑ Фасмер, Макс., т. 3, с. 822.
- ↑ Словарь С.И. Ожегова онлайн.
- ↑ Толковый словарь русского языка под ред. Д. Н. Ушакова. М. Гос. издат. иностр. и нац. словарей. 1940.
- ↑ Словарь С.И. Ожегова онлайн.
- ↑ Евгеньева А.П. (гл. ред.) Словарь русского языка. М. «Русский язык». 1984.