Blue Zone
Articulu in nugoresu
Blue Zone (in sardu locu biaìttu) est unu faveddu inglesu chi serbit a inditare locos (siat in sensu demograficu siat in sensu geograficu) pèri su mundu in ube sa zente campat de prus cuffòrma sa mèdia mundiàle, comente b'at iscrittu in su libru de Dan Buettner "The Blue Zones: Lessons for Living Longer from people who lived the longest".[1] Custu cuntzettu at crèschiu chin sa chìrca demografica de Gianni Pes e Michel Poulain, chi aìant iscopertu in Sardigna, e in su zassu de sa provintzia de Nùgoro (comunes de Biddamanna Istrisàili, Àrthana, Talana, Baunei, Orthullè, Ulassa, Foghesu, Tìana, Ovodda, Ollolai, Gavoi, 'Onne, Mamujada, Orgòsolo, Ulìana) in particulàre, su locu in ube b'at resurtàu sa prus arta pertzentuale de zente chi vivet chent'annos e prus. In su traballu aìant disinnàu chìrcos de color'e chelu in sa cartina cumintzande a lis nàrrer Blue Zone. Buettner at atzapàu ateros de custos zàssos in Okinawa (Giappone), in Sardigna (istadu italianu), in Nicoya (Costa Rica), in Icaria (Grèghia) e in sos de sa Crèsia Cristiana Avventista de su Die de Sete in California ispiegande, pro mèdiu de datos empiricos e autòpticos (est a nàrrer, picaos de prima manu pompiàndelos de manera partecipante), proite custa zente vivat prus a longu de sos ateros.
![](http://178.128.105.246/cars-http-upload.wikimedia.org/wikipedia/commons/thumb/3/3e/Anziano_di_Ulassai.jpg/150px-Anziano_di_Ulassai.jpg)
"Blue Zone" est fìnas una siènda chi Dan Buettner etottu aiat fundau e chi, proponènde modellos chi parìtzos grùpos etnicos pèri su mundu pràticant, azuat sa zente a vivere menzus e prus a longu, e offèrit varios servitzios comente informatziones de valore pedagogicu, màndicu e ateros benes.
Riferimentos
modìfica- ↑ Ivan Marongiu, Is tzentenàrios de Costa Rica, Giapone e Sardigna in unu documentàriu, in Istòrias, 15 abrile 2021. URL consultadu su 30 abrile 2021.
Libros
modìfica- Buettner, Dan (2012). The Blue Zones, Second Edition: 9 Lessons for Living Longer From the People Who've Lived the Longest. Washington, D.C.: National Geographic.
- Buettner, Dan (2010). Thrive : finding happiness the Blue Zones way. Washington, D.C.: National Geographic.